Зынаргъ æмбæстæгтæ!
Арфæ уын кæнын майы диссаджы бæрæгбон – Уалдзæг æмæ фæллойы боны цытæн!
Не ‘мбæстæгты бирæ фæлтæртæн ацы бон баззайдзæн уарзон бæрæгбонæй, фæллойгæнджыты æмразыдзинады, сабырадон куысты символæй. Æрвылбонон намысджын, рæстагон куыст ахъаз у экономикæйы æмвæзады рæзтæн, цæрджыты фæрныгадæн, царды гъæд хуыздæр кæнынæн, не ‘нтыстыты фæфылдæр кæнынæн. Фыццаг Майы бæрæгбон цы хорздзинæдтæ расиды – фæллой, иудзинад, æмуддзинад æмæ адæймæгты хæлардзинад, уыдон сты не ‘хсæнады æмæ алкæцы бинонты сæйраг хæрзиуджытæ. Мæн уырны, æмæ ацы вазыгджын рæстæг махæн нæ фæллойы фæрцы нæ къухы бафтдзæн нæ республикæйы дидинæфтыд æмæ сараздзыстæм нæхицæн аккаг æмæ амондджын цард.
Цытджын хæлæрттæ, мæ зæрдæ уын зæгъы сабырдзинад æмæ хорздзинæдтæ, æнæниздзинад æмæ фæрныгад. Уадз, уæ бæллицтæ æмæ фæндиæгтæ иууылдæр сæххæст уæнт, уæ хæдзæртты та уæнт кæрæдзимбарынад æмæ разыдзинад. Амондджын ут æмæ уын кæддæриддæр уæд уалдзыгон зæрдæйы уаг.
Республикæ Хуссар Ирыстоны Парламенты Сæрдар ТАДТАТЫ Алан
Comments are closed, but trackbacks and pingbacks are open.