РХИ-йы Хицауады Сæрдары хæстæ рæстæгмæ æххæстгæнæг Бекъойты Геннади ауагъта кусæгон æмбырд Хъæууон хæдзарады министр Пухаты Лев, Паддзахадон исад æмæ зæхмæ ахастыты фæдыл комитеты сæрдар Пæррæстаты Сергей, Паддзахадон регистраци, кадастр æмæ картографийы службæйы къухдариуæггæнæг Коцты Аленæ, афтæ ма районы администрацийы сæргълæуджыты хайадистæй.

Уынаффæ цыдис зæххы фадгуытæ æмæ арæзтадон фæзуаттæй пайда кæныны фадыджы арендон ахастытæ æрбæстон кæныныл.

Бекъойты Геннади банысан кодта, зæгъгæ, паддзахадон исады фадыджы арендон ахастыты системæмæ хъæуы ногæй æркæсын æмæ йæм ивындзинæдтæ бахæссын.

«Паддзахадон исадæй хъуамæ пайда цæуа нысанмæздæхтæй æмæ эффективонæй. Æнæмæнгхъæуæг у ацы фадыджы фæтк æрæвæрын, бадзырдтæм ногæй æркæсын, суанг хыгъды æмæ контролы фарстыты онг», – банысан кодта Бекъойты Геннади.

Хицауады Сæрдары хæстæ рæстæгмæ æххæстгæнæг фæндон бахаста кусæгон къордтæ саразын республикæйы районты профилон организациты специалисттæ æмæ районы ад-министрацийы минæвæрттимæ, кæцытæ бынаты хъуамæ сбæрæг кæной æмæ арæнтæ сныв кæной, хæдзарадон куыстытæн цы зæххытæ бæззынц, уыдон.

Уымæй уæлдай ма, уый бæрнджын адæймæгтæн бахæс кодта, цæмæй сорганизаци кæной арендæйы лæвæрд зæххыты басгæрст арендæйы бадзырдтæм гæсгæ, тарифон поли-тикæ, хыгъд æмæ контролы фарстытыл бакусын, афтæ ма мадзæлтты график саразын республикæйы территорийыл зæххы ахастытæ æрбæстон кæныны фадыджы сбæрæггонд цухдзинæдтæ аиуварс кæныны тыххæй.

Ацы æрмæджытæ дæр бакæс:

ХИЦАУАДЫ Электроэнергийæ пайда кæнын хъæуы хæдзардзинæй Æппæт фадæттæй дæр спайда кæнын хъæуы паддзахадон бюджет баххæст кæныны тыххæй ТЫБЫЛТЫ Леонид: «Ахуырады гъæд фæбæрзонддæр кæныны фарстатæ кæддæриддæр приоритетон сты Республикæйы къухдариуæгадæн» РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй

Comments are closed, but trackbacks and pingbacks are open.