Хицауады Сæрдары хæдивæг – Экономикон рæзты министр Бекъойты Геннади ауагъта Электрохæххытыл электроэнерги дæттыны рæстæджы технологон сæфтытæ фæкъаддæр кæнын æмæ бахардзгонд электроэнергийы тыххæй фиддонтæ фидыны бæрæггæнæнтæ фæхуыздæр кæныны фæдыл Æхсæнведомствойон къамисы рабадт.
Рабадты куысты хайад райста Сæудæджерад, транспорт æмæ энергетикæйы фæдыл комитеты сæрдар Санахъоты Батрадз, Экологон, технологон æмæ арæзтадон цæстдарды фæдыл комитеты сæрдар Къуылыхты Таймураз, профилон куыстуæтты къухдариуæггæнджытæ.
Рабадты рæстæджы æруынаффæ кодтой фыццаградон фарстытыл, кæцытæ хаудысты фиддонтæ фидыны хъуыддаг фæбæрзонддæр кæнын æмæ электрохызæгты электроэнергийы сæфт фæкъаддæр кæнынмæ.
Сæйраджыдæр, æруынаффæ кодтой æппæт бюджетон организацитимæ электроэнерги дæттыны тыххæй бадзырдтæ саразын, хæлд трансформатортæ, электороэнергийы хыгъды гæрзтæ раивын, фиддонтæ рæстæгыл бафи-дыны тыххæй иварон санкцитæ саразын.
Ныхас ма цыд хардзцæуæг электроэнергийы хыгъды фæдыл универсалон программон ифтон-гадæй спайда кæнын æмæ фиддонты фидыны дисциплинæ фæхуыздæр кæнын.
«Къамисы раз цы хæстæ æввæрд цæуы, уыдоны æххæст кæныны фæлгæтты реализаци цæуы мадзæлтты комплекс, кæцытæ ахъаз кæнынц республикæйы электрохæххыты комплексы рæзтæн. Къамисы уæнгтæ горæт Цхинвалы администрацийы къухдариуæггæнджытимæ иумæ кусынц фиддонтæ фидыны уавæртæ фæхуыздæр кæнын æмæ электроэнергийæ рационалон æгъдауæй спайда кæны-ныл. Ацы фарстытæ скъуыддзаг кæнынмæ здæхт æрцыдысты бирæуæладзыгон коопе-ративон хæдзæртты минæвæрттæ», – банысан кодта Бекъойты Геннади.
Æхсæнведомствойон къамис Финансты министрад, Æнæниздзинад хъахъхъæныны æмæ социалон рæзты министрад, миграцион политикæйы фæдыл комитеты минæвæрттимæ иумæ кусынц æмбæстæгты алыгъуызон категоритæн хардз электроэнерги бафидыны фæдыл хатыр радтыны фарстыл.
Рабадты рæстæджы загъд æрцыд, зæгъгæ хардз электроэнергийы фæдыл фиддонты фидыны æмвæзад ныртæккæ у 72 проценты, кæцы цыппар прцоенты фылдæр у 2018 азы аналогон рæстæгимæ абаргæйæ.
Comments are closed, but trackbacks and pingbacks are open.