12 апрелы Республикæ Хуссар Ирыстоны Фæсарæйнаг хъуыддæгты министр Джиоты Æхсар фембæлд Республикæ Хуссар Ирыстоны Республикæ Абхазы Уæлвæткон æмæ æххæстбарджын минæвар Елбачиты Аланимæ.
Ныхасы рæстæджы сæ хъуыдытæ загътой хуссарирыстойнаг-абхазаг ахастыты уавæры тыххæй, кæцытæн ис традицион хæларадон характер, афтæ ма æрныхас кодтой регионалон боны фæткы хицæн аспекттыл.
Абхазы дипломатон минæварады сæргълæууæг бузныджы ныхæстæ загъта абхазаг делегацийы номæй Хуссар Ирыстоны Абхазы культурæйы бонтæ нысан кæныны фæдыл мадзæлттæ уадзыны рæстæджы хъарм химæрайсты тыххæй.
Бафидар кодтой дарддæр дæр кæй уыдзæн конструктивон кусæгон æмархайд.
