Республикæ Хуссар Ирыстон хайад райсдзæн Кавказаг инвестицион равдысты. Уагъд æрцæудзæн горæт Минеральные Водыйы 2023 азы майы райдианы. Мадзал уагъд цæуы регионы инвестицион климат фæхуыздæр кæнын æмæ инвесторты æрбаздахыны нысанæн.
«Минеральные Водыйы фæзуат «Минводы-ЭКС-ПО»-йы Кавказаг инвестицион равдыст ауадзыны фæлгæтты презентаци æрцæудзысты Цæгат-Кавказы федералон зылды регионты инвестицион фадæттæ, уагъд цæудзысты панелон дискусситæ ног базарадон-логистикон хызæгтæ саразын æмæ Цæгат-Кавказы федералон зылды регионты социалон-экономикон рæзтмæ фыдыбæстæйон æмæ фæсарæйнаг инвестицитæ æрбаздахыны тыххæй. Уый хорз фадат у ног фæлтæрддзинад райсынæн æмæ Хуссар Ирыстон фæнд кæны хайад райсын Кавказаг инвестицион равдысты. Равдысты бон æмæ рæстæг бæрæг цæуы, уæлæмхас информаци фехъусын кæндзыстæм», – загъта Хицауады Сæрдары хæдивæг – Экономикон рæзты министр Тадтаты Дзамболат.
Уый ма банысан кодта, зæгъгæ, равдыст кæй цымыдис кæны, уыдонæн сæ бон у сæвзæргæ фарстаты фæдыл бахатын Уæрæсейы Федерацийы Республикæ Хуссар Ирыстоны базарадон минæвар Гогинов Таймуразмæ.
Уæлæмхас информацийы тыххæй фæдзурæн ис ахæм номырыл: + 7 (929) 807-04-00
Ацы æрмæджытæ дæр бакæс:
Хуссар Ирыстон хайад райсдзæн Кавказы адæмты культурæ æмæ спорты радон фестивалы
Хуссар Ирыстон хайад исы Уæрæсейаг инвестицион форумы
Хуссар Ирыстон рæзын кæны йæ инвестицион хъомыс
Стратегион иртасынæдты уæрæсейаг институты Тыбылты Леониды доклад «Кавказы Уæрæсейы геополитикон позицитæ сфидардæр кæныны Хуссар Ирыстоны нысаниуæг»
РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй
