29 сентябры Республикæ Абхазмæ кусæгон балцы фæлгæтты фембæлдысты Республикæ Хуссар Ирыстоны Фæсарæйнаг хъуыддæгты министры хæстæ рæстæгмæ æххæстгæнæг Медойты Дмитри æмæ Республикæ Абхазы Фæсарæйнаг хъуыддæгты министр Даур Кове.

Даур Кове бузныджы ныхæстæ загъта Медойты Дмитрæн йæ балцы тыххæй, банысан кодта абхазаг æмæ ирон адæмы традицион хæларадон æмæ æфсымæрон бастдзинæдтæ.

Медойты Дмитри, йæхи фарсæрдыгæй, раарфæ кодта Даур Ковейæн Уæлахиздзинады æмæ Абхазы хæдбардзинады боны цытæн, министрады коллективæн йæ цæст бауарзта æнтыстытæ сæ разылæууæг хæстæ æххæст кæныны хъуыддаджы.

Фембæлды рæстæджы дыууæ фарсы ныхас кодтой дыууæварсон æмгуыстады уавæр æмæ рæзты перспективæтыл, загътой сæ хъуыдытæ актуалон проблемæты фæдыл, кæцы æвзæрын кæны æмхуызон цымыдисдзинад, æрдзырдтой Хæххон-Хъарабахы конфликты темæйыл, банысан кодтой уавæр сабырæй аскъуыддзаг кæныны æнæальтернативондзинад.

Фембæлды кæрон Министртæ сæ къухтæ æрфыстой 2021-2022 азты Республикæ Хуссар Ирыстоны Фæсарæйнаг хъуыддæгты министрад æмæ Республикæ Абхазы Фæсарæйнаг хъуыддæгты министрады ‘хсæн консультациты планыл.

Уыцы бон Хуссар Ирыстоны Фæсарæйнаг хъуыддæгты министры хæстæ рæстæгмæ æххæстгæнæг Медойты Дмитры йæхимæ райста Абхазы Президент Аслан Бжания.

Дыууæ фарсы æруынаффæ кодтой Хуссар Ирыстоны æмæ Абхазы ‘хсæн æмгуыстады фарстытыл уæрæхæй.

Медойты Дмитри ма сæрмагондæй радта Республикæ Хуссар Ирыстоны Президент Бибылты Анатолийы номæй Уæлахиздзинадыл 27 азы сæххæсты цытæн арфæ.

Фембæлды ма хайад райстой Абхазы Фæсарæйнаг хъуыддæгты министр Даур Кове æмæ Абхазы Хуссар Ирыстоны минæвар Боциты Олег.

Comments are closed, but trackbacks and pingbacks are open.