Хæсты æмæ фæллойы зынаргъ ветерантæ!
Нæ кадджын буц хистæртæ!
Нæ абоны царды сымахæн ис сæрмагонд бынат, кæцы иу кæны æнæхъæн фæлтæрты хъысмæты, хæсты уæззау азты уаргъ чи рахаста, уый фæстæ, адæмы хæдзарад йæ къахыл ногæй слæууын кæныны æвæллайгæ куысты йæ тыхтыл чи нæ ауæрста, сабыр царды хъазуатон фæллой чи кодта, æппæт уыцы адæмы.
Абон нæ уарзон райгуырæн Ирыстон у хæдбар, фидар къахдзæфтæй цæуы хуыздæр æмæ рæсугъддæр фæндагыл.
Нæ Ирыстон у, йæ ахуырадон æмæ культурон гæнæнтæ дзæвгар кæмæн сты, ахæм республикæтæй иу. Нæ зынаргъ ве-терантæ, уым ис уæ æнæзæрдæхудт фæллойы зынгæ хай.
Сымах стут аккаг дæнцæг нæ рæзгæ фæлтæрæн – уе ‘гъдауæй, уæ зондæй, уе стыр фæлтæрддзинадæй, райгуырæн Ирыстонмæ уарзондзинадæй. Уæ зæрдæты хъарм, хъару æмæ ныфс дæтты кæстæрты хъомыл кæнынæн, раст фæндагыл сæ æфтауынæн. Сымах фæрцы уыдон аргъ кæнынц хистæртæн, хъахъхъæнынц нæ фыдæлты рæсугъд æгъдæуттæ. Уый та уæлдай ахсджиаг у ныртæккæйы рæстæджы.
Нæ зынаргъ ветерантæ! Нæ Республикæйы Ветеранты совет уынаффæ кæны Ног, 2024 азы цытæн. Аз ивæн у æмæ уæ алы Ног аз дæр цæуæд æнæниз, æнæмаст, зæрдæрайæ æмæ сæрæгасæй. Уæ сæдæгай азтыл дæр цы сæмбæлат æнæнизæй.
Уæ сывæллæтты æмæ уыдон цоты хурæй æфсæст куыд уат, ахæм арфæтæ уæд уе ‘гасы дæр, нæ зынаргъ ветерантæ!
Ног азы хорзæх уæ уæд!
Ног азы цытæн арфæ кæнæм нæ организацийы иннæ категориты ветерантæн дæр: гæрзифтонг тыхты, барадхъахъхъæнæг органты, Афганистаны хæсты æмæ Венгрийы конфликты хайадисджыты, Советон Æфсады рæнхъыты службæйы рæстæджы сахъатдзинад чи райста, уыдонæн æмæ Стыр Фыдыбæстæйон хæсты хайадисджыты идæдзтæн.
Республикæ Хуссар Ирыстоны Фæллойы,
гарзджын тыхты æмæ барадхъахъхъæнæг
органты Ветеранты æхсæнадон организацийы совет
