Владимир Путинæн
Цытджын Владимир Владимиры фырт!
Республикæ Хуссар Ирыстоны адæм æмæ сæрмагондæй мæхи номæй дын арфæ кæнын æрбалæугæ Ног, 2024 аз æмæ Чырыстийы райгуырды ирд бæрæгбоны цытæн.
Аивгъуыйгæ аз æнцон аз нæ уыд, фæлæ æрбангом кодта уæрæсейæгты ног æрсидтытæ æмæ фæлварæнты дуджы. Радон хатт бæлвырд æрцыд, æнгомдзинад æмæ иудзинад кæй сты æмæ уыдзысты уæлахизтæ æмæ æнтыстыты бын-дур.
Уырны мæ, Ног 2024 аз стратегион партнерондзинады дыууæварсон ахастытæ кæй равдисдзысты динамикон рæзт æмæ алыгъуызон фадгуыты уæрæх кæндзæн Хуссар Ирыстон æмæ Уæрæсейы ‘хсæн кæрæдзийæн пайдахæссæг æмгуыстад.
Ногазон бæрæгбонты къæсæрыл, цытджын Владимир Владимиры фырт, мæ цæст дын уарзы фидар æнæниздзинад æмæ Уæрæсейы паддзахады сæргълæууæджы бынаты ног æнтыстытæ бæстæйы хæрзиуæгæн, Уæрæсейы адæмæн та – сабырад, фæрныгад æмæ дидинæфтыд.
Республикæ Хуссар Ирыстоны Президент
Гаглойты Алан
***
Гаглойты Аланæн
Цытджын Алан Эдурады фырт!
Айс иууыл зæрдиагдæр ногазон арфæтæ!
Аивгъуыйгæ аз нæ бæстæты ‘хсæн хæларадон, хæларсыхагон ахастытæ сбæлвырд кодтой сæ фидардзинад. Динамиконæй рæзт дыууæварсон политикон диалог, алыгъуызон фадгуыты конструктивон æмгуыстад.
Уырны мæ, мах дарддæр дæр бирæпланон æмархайд кæй уæрæх кæндзыстæм не ‘фсымæрон адæмты хæрзиуæгæн, регионалон стабилондзинад æмæ æдасдзинад сфидар кæныны интерестæн.
Мæ цæст дын уарзы, цытджын Алан Эдуарды фырт, фи-дар æнæниздзинад, æнтыстытæ, æппæт де ‘мзæххонтæн та – амонд æмæ дидинæфтыд.
Уæрæсейы Федерацийы Президент Владимир Путин
***
Уæрæсейы къухдариуæгады арфæтæ
УФ-йы къухдариуæгады номæй Марат Кулахметов раарфæ кодта Хуссарирыстойнаг паддзахады сæргълæууг Гаглойты Аланæн æрбалæугæ ногазон бæрæгбонты цытæн æмæ бакаст УФ-йы президент Владимир Путин æмæ УФ-йы Хицауады сæрдар Михаил Мишустины арфæйы телтæ. Афтæ ма йæм радта УФ-йы Федералон æмбырды федерацийы советы сæрдар Валентина Мативенко æмæ УФ-йы Æдасдзинады советы сæрдары хæдивæг Дмитри Медведевы арфæйы телтæ.
УФ-йы Хицауады сæрдар Михаил Мишустин банысан кодта, зæгъгæ, 2023 азы æнкъардæуыд уæрæсейаг-хуссарирыстойнаг ахастыты динамикон рæзт, кæцытæ бындуриуæг кæнынц хæлардзинад, партнердзинад æмæ æмцæдисадыл.
Уый ма банысан кодта, зæгъгæ, арфдæр кодта базарадон-экономикон æмæ инвестицион фадгуыты æмгуыстад, фидар кодтой культурон-гуманитарон бастдзинæдтæ.
«Уырны мæ, 2024 азы бирæпланон æмгуыстад дарддæр дæр кæй уæрæх кæндзæн, ног иумæйаг инвестицитæн фæндаг ифтонг кæнгæйæ. Уый æххæстбæрцæй дзуапп дæтты Уæрæсейы Федерацийы æмæ Республикæ Хуссар Ирыстоны интерестæн», – дзырдæуы Михаил Мишустины арфæйы телы.
Йæ фарсæрдыгæй, Гаглойты Алан раарфæ кодта Уæрæсейы Федерцийы къухдариуæгадæн æрбалæугæ ногазон бæрæгбонты цытæн æмæ бузныджы ныхæстæ загъта Хуссар Ирыстоны рæзт æмæ йæ адæмы фæрныгад фæхуыздæр кæныны фæдыл хъусдард æмæ æххуысы тыххæй.
«Уадз, Ног 2024 аз алкæмæндæр суæд хорз ивындзинæдты, циндзинад, æнтыстыты аз, нæ бæстæты ‘хсæн ахастытæ та йедзаг кæнæд ног хъуыддæгтæй», – загъта паддзахады сæргълæууæг.
***
Парламенты арфæ
Цытджын æмзæххонтæ! Зынаргъ хæлæрттæ!
Арфæ уын кæнын æрбæлæугæ Ног, 2024 азы æмæ Чырыстийы райгуырды боны цытæн!
Аивгъуыйгæ 2023 аз, алкæмæн иухуызон нæ уыд, бæстæйæн дæр хуымæтæг нæ уыд. Сæмбæлдыстæм зындзинæдтыл æрмæст мах нæ, фæлæ æнæхъæн дуне дæр. Фæлæ махæн бантыст цæлхдуртæ аиуврас кæнын, нæ разылæууæг хæстæ аскъуыддзаг кæнын.
Ног азы æмæ Чырыстийы райгуырды бонтæ нымад цæуынц бинонты бæрæгбоныл, уымæн æмæ уыдон æрæмбырд кæнынц æмæ æрбангом кæнынц иууыл æввахсдæр адæймæгты æнусон æргъадты алыварс – уарзондзинад, хорздзинад, ныфс æмæ бинонты артдзæст. Уыдон нын лæвар кæнынц æнахуыр диссæгты æнкъарæн, хорз зæрдæйыуаг, ныфс нын æвæрынц, æрбалæугæ ног аз кæй суыдзæн сæххæстгонд ныфсытæ æмæ бæллицты, къухыбафтгæ æнтыстыты, ног уæлахизты аз.
Ног азы къæсæрыл мах фидарæй кæсæм сомбонмæ. Уырны мæ, мах иууылдæр æрвылбон кæй кусдзыстæм нæ республикæйы, нæ адæмы хæрзиуæгæн.
Зынаргъ хæлæрттæ!
2024 азы нæм æнхъæлмæ кæсы ахсджиаг политикон цау – республикæйы Парламентмæ депутатты æвзæрстытæ. Уырны мæ, нæ адæм кæй равдисдзысты сæ куырыхондзинад æмæ политикон цæттæдзинад, æмæ æвзæрстытæ кæй ауадздзыстæм республикæйы закъондæттынадмæ гæсгæ.
Зынаргъ æмбæстæгтæ!
Мæ цæст уын уарзы фидар æнæниздзинад, амонд, куысты æнтыстытæ, уарзондзинад æмæ фæрныгад, хæдзары хъармдзинад æмæ хорз бæрæгбонон зæрдæйыуаг.
Бæрæгбоны хорзæх уæ уæд! Уадз, æмæ ног азы уемæ æмдзу кæнæд æнтыстытæ уæ хъуыддæгты.
Республикæ Хуссар Ирыстоны Парламенты Сæрдар Æлборты Алан
***
Парламенты сæрдар ма æрбалæугæ Ног азы цытæн арфæйы телтæ арвыста УФ-йы Федералон æмбырды федерацийы советы сæрдар Валентинæ Матвиенкомæ, УФ-йы Паддзахадон думæйы сæрдар Вячеслав Володинмæ, Цæгат Кавказы республикæтæ; Республикæ Абхаз, Приднестроваг Молдаваг Республикæ, Донецкы Адæмон Республикæ, Луганскы Адæмон Республикæ, Венесуэлæ, Никарагуа, Науру æмæ Сирийы парламентты къухдариуæггæнджытæм, туркаг ирон диаспорæ, РЦИ-Аланийы Парламенты сæрдар Тускъаты Таймураз æмæ æндæртæм.
