Никарагуайы Президент Даниель Ортегойæн
Дæ Бæрзонддзинад!
Айс мæ иууыл зæрдиагдæр арфæтæ Чырыстийы Райгуырды рухс бæрæгбон æмæ Ног 2019 азы цытæн!
Ахæм рухс бæрæгбонтимæ мах бæттæм иууыл хуыздæр æнкъарæнтæ, царды цинхæссæг æмæ зынаргъ минуттæ, бæллицтæ æмæ ныфсытæ. Уадз æмæ дын Ног аз æрхæссæд ног ныфсытæ, фæрныгад, сабырад, стабилондзинад æмæ стыр æнтыстытæ.
Ныфс мæ ис, Ног азы нæ бæстæты ‘хсæн конструктивон æмархайд æнтыстджынæй кæй рæздзæн нæ бæстæты хæрзиуæгæн.
Æрбалæугæ Ног азы мæ цæст уарзы дæуæн, цытджын Президент, æппæт дæ бинонтæн æмæ æфсымæрон Никарагуайы æппæт адæмæн сабырад, фидар æнæниздзинад, амонд æмæ фæрныгад.
Республикæ Хуссар Ирыстоны Президент Бибылты Анатоли
***
Венесуэлæйы Президент
Николас Мадруойæн
Дæ Бæрзонддзинад!
Зæрдиаг арфæ кæнын дæуæн æмæ Венесуэ-лæйы æппæт адæмæн Чырыстийы Райгуырды рухс бæрæгбон æмæ Ног 2019 азы цытæн!
Ацы бæрæгбонтимæ кæддæриддæр баст вæййынц ног æнтыстыты, бæллицты сæххæсты ныфсытæ. Уадз æмæ дын æрбалæугæ Ног аз æрхæссæт æнтыстытæ стыр æмæ чысыл хъуыд-дæгты дæр, сæххæст уæт дæ бæллицтæ.
Ныфс мæ ис, Ног азы нæ бæстæты ‘хсæн конструктивон æмархайд æнтыстджынæй кæй рæздзæн нæ бæстæты хæрзиуæгæн.
Æрбалæугæ ног азы мæ цæст уарзы дæуæн, цытджын Президент, дæ бинонтæн æмæ Венесуэлæйы æппæт адæмæн сабырад, фидар æнæ-низдзинад, амонд æмæ фæрныгад.
Республикæ Хуссар Ирыстоны Президент Бибылты Анатоли
***
Республикæ Науруйы Президент
Барон Вакайæн
Дæ Бæрзонддзинад!
Айс мæ иууыл зæрдиагдæр арфæтæ Чырыстийы Райгуырды рухс бæрæгбон æмæ ног 2019 азы цытæн!
Ацы хорз, æцæгæйдæр хæдзарон фæрныг бæрæгбонтыл мах æмбæлæм бинонты ‘хсæн, æввахс хæлæрттимæ. Уадз æмæ аивгъуыйгæ аз нæ хъуыдыты баззайа æрмæст хорз хъуыддæгтæ æмæ хабæртты фæрцы, зындзинæдтæ фæстийæ ныууадзгæйæ.
Ныфс мæ ис, Ног азы нæ бæстæты ‘хсæн конструктивон æмархайд æнтыстджынæй кæй рæздзæн нæ бæстæты хæрзиуæгæн.
Æрбалæугæ ног азы мæ цæст уарзы, цытджын Президент, дæуæн, дæ бинонтæн æмæ Науруйы æппæт æфсымæрон адæмæн сабырад, фидар æнæниздзинад, амонд æмæ фæрныгад.
Республикæ Хуссар Ирыстоны Президент Бибылты Анатоли
***
Тувалуйы премьер-министр Энеле Сопоагæн
Цытджын премьер-министр!
Айс мæ иууыл зæрдиагдæр арфæтæ Чырыстийы Райгуырды рухс бæрæгбон æмæ Ног 2019 азы цытæн!
Уадз, Ног аз Тувалуйы адæмæн æрхæссæт стыр æнтыстытæ æмæ цины хабæрттæ.
Ныфс мæ ис, Ног азы нæ бæстæты æмæ нæ адæмы ‘хсæн партнерон ахастытæ кæй фидардæр кæндзысты æмæ динамикон æгъдауæй кæй рæздзысты.
Æрбалуæгæ ног азы мæ цæст уарзы дæуæн, дæ бинонтæн æмæ Тувалы æппæт æфсымæрон адæмæн фидар æнæниздзинад, сабыр арвы бын цард, амонд æмæ фæрныгады фæндиæгтæ.
Республикæ Хуссар Ирыстоны Президент Бибылты Анатоли
***
РХИ-йы Президент – Бибылты Анатолийæн
Цытджын Анатоли Ильяйы фырт!
Арфæ дын кæнын Ног азы цытæн! 2019 азы сымахмæ æнхъæлмæ кæсы Республикæ Хуссар Ирыстоны социалон-экономикон потенциал сфидар кæныны фæдыл ахсджиаг æмæ бæрнджын куыст. Уадз, æппæт уæ хъуыддæгтæ уæт æнтыстджын, Райгуырæн зæххы хæрзиуæгæн. Æрбалæугæ Ног азы мæ цæст уарзы дæуæн æмæ Хуссар Ирыстоны æппæт адæмæн амонд, циндзинад, сабырад æмæ фæрныгад.
Республикæ Цæгат Ирыстон-Аланийы Сæргълæууæг Битарты Вячеслав
***
Цытджын Анатоли Ильяйы фырт!
Ацы бæллиццаг бæрæгбонтæ кæддæриддæр адæймагмæ сæвзæрын кæнынц уæлдай хуыздæр зæрдæйы уаг, райхъал вæййынц йæ иууыл рухсдæр æнкъарæнтæ, ацы бæрæгбонимæ бæттæм хорз хабæрттæ æмæ ивындзинæдтæ. Уадз, æрбалæугæ 2019 азы де ‘ппæт хъуыддæгтæ уой æнтыстджын. Мæ цæст уарзы дæуæн æмæ дæ хиуæттæн сабырад, фæрныгад æмæ æнтыстытæ.
Республикæ Абхазы Президент
Рауль Хаджимба
***
Уæрæсейы Федерацийы Хицауады Сæрдар
Дмитри Медведевæн
Цытджын Дмитри Анатолийы фырт!
Республикæ Хуссар Ирыстоны Хицауады номæй дын стыр цытимæ арфæ кæнын æрбалæугæ Ног аз æмæ Чырыстийы Райгуырды рухс бæрæгбоны цытæн.
Ног азыл мах æмбæлæм уæлдай хуыздæр æнкъарæнтимæ, йемæ бæттæм хорз ивындзинæдты ныфс æмæ нæ бæллицтæ.
Хуссар Ирыстоны адæм бузныг сты Уæрæсейы къухдариуæгадæй Уæрæсейы æххуысы тыххæй республикæйы социалон-экономикон рæзты фадыджы. Аивгъуыйгæ азы æнтыстджынæй сæххæст 2018 азы социалон-экономикон рæзтæн ахъазгæнæг Инвестпрограммæ, активонæй адарддæр ис нæ бæстæты ‘хсæн партнерон ахастытæ сфидар кæныны хъуыддаг.
Æрбалæугæ Ног азы мах æнхъæлмæ кæсæм ног æнтыстытæм, кæцытæ здæхт сты нæ бæстæты рæзтмæ. Уадз æмæ уый суа æнтыстджын æппæт ахастыты дæр æмæ æвдисæн уа РХИ-йы æмæ УФ-йы ‘хсæн бастдзинæдты дарддæры рæзтæн.
Мæ цæст дын уарзы, цытджын Дмитри Анатолийы фырт, дæ бинонтæн æмæ уæрæсейаг æфсымæрон адæмæн æнæниздзинад, амонд æмæ æнтыстытæ!
Республикæ Хуссар Ирыстоны Хицауады Сæрдар Пухаты Эрик
***
Дмитри Медведевы арфæ Пухаты Эрикæн
Цытджын Эрик Георгийы фырт!
Зæрдиаг арфæ дын кæнын æрбалæугæ Ног аз æмæ Чырыстийы Райгуырды боны цытæн!
Аивгъуыйгæ азы Уæрæсе æмæ Хуссар Ирыстоны хæларадон æмæ хорзсыхагон ахастытæ фæд-фæдылонæй рæзтысты, дарддæр кодта æхсæн-паддзахадон æмархайды бадзырдон-барадон базæ фæхуыздæр кæныны, республикæйы социалон-ахсджиаг проекттæ æххæст кæныны хъуыддаг.
Ныфс мæ ис, æрбалæугæ азы бирæпланон уæрæсейаг-хуссарирыстойнаг хæлардзинад дарддæр дæр фидар кæй кæндзæн. Уый æххæст гуырахстæй дзуапп дæтты нæ бæстæты интерестæн.
Мæ цæст дын уарзы, цытджын Эрик Георгийы фырт, æнæниздзинад æмæ æнтыстытæ, æфсымæрон хуссарирыстойнаг адæмæн та – фæрныгад æмæ дидинæфтыд.
Comments are closed, but trackbacks and pingbacks are open.