Куыд зонæм, афтæмæй Петербурджы æрвылазон дунеон экономикон форумы архайдта Цæгат Ирыстоны делегаци дæр. Форумы фæлгæтты уыдон алыхуызон паддзахадон æмæ амалхъомадон компанитимæ бафыстой бирæ алыхуызон бадзырдтæ.
Республикæйы Сæргълæууæг Сергей Меняйло æмгуыстады бадзырды тыххæй, фыццаджыдæр йæ къух бавæрдта Стратегион хъæппæристы федералон агентады генералон директор Светлана Чупшеваимæ.
«Кæд бадзырд официалон уагæй ныр бафыстам, уæддæр æмгуыст рагæй кæнæм. Иумæйаг хъарутæй сараздзыстæм бирæ ахсджиаг проекттæ æмæ нæ архайд схиздзæн бæрзонд къæпхæнмæ. Агентадимæ иумæ бакусдзыстæм регионы социалон инфраструктурæйы райрæзт æмæ экономикæйы къабазæн дæсны специалисттæ бацæттæ кæныныл», – банысан кодта Сергей Меняйло.
Ахæм пайдайаг бадзырдтæ ма нæ деле-гаци бафыста фиддонты системæ «Мир»-ы генералон директор Владимир Комлевимæ, Запорожьейы губернатор Евгений Балицкийимæ, уæлæмхасæн ахуырады федералон центр «Машук»-ы директор Антон Сериковимæ, Дунеон ахастдзинæдты мæскуыйаг паддзахадон институты ректор Анатолий Таркуновимæ, Æфснайæн банчы Хуссар-Ныгуылæйнаг хайады сæрдар Анатолий Песенниковимæ, медицинон компани «МЕДЭК»-ы бындурæвæрæг Юрий Протасовимæ.
Ныгуылæн нæ экономикæйы руаджы мæгуырмæ æртæрынмæ кæй хъавы, уый нымайгæйæ, стыр ахадындзинад ис ахæм æмгуыстады бадзырдтæн, æнæмæнг сæ сæххæст кæныныл та хъæуы бацархайын. Æппæт уыдæттæ нымайгæйæ, йæ хъарутæ куыд амонынц, афтæ архайы нæ республикæ дæр. Ног бадзырдты фæлгæтты ног проекттæ æххæстгонд куы æрцæуой, уæд стыр пайда æрхæсдзысты канд нæхицæн нæ, фæлæ æмткæй Уæрæсейы регионтимæ базарады ахастдзинæдтæн дæр.
Нæ уацх
