Мидхъуыддæгты министрад хъусын кæны

Ленингоры мидхъуыддæгты управленийы кусджытæ оперативон информацийы фæдыл ацæугæйæ, Абреуы хъæугæрон ссардтой æмæ скуынæг кодтой 240 гæны къутæры.

Горæт Цхинвалы мидхъуыддæгты управленийы кусджытæ баурæдтой 36-аздзыд горæты цæрæджы, наркотикон буарадтæй æнæзакъонæй кæй пайда кæны, уый тыххæй. Цхинвалы тæрхондон закъонхалæджы фæивар кодта 10 мин сомæй.

Мидхъуыддæгты министрады экономикон æдасдзинады управленийы кусджытæ рейдты рæстæджы басгæрстой дуканитæ Ленингоры районы. Басгæрсты рæстæджы ссардтой æмæ байстой Гуырдзыстоны территорийæ æрбаласгæ товартæ, – тамакойы къоппытæ, коньяктæ, бæгæнытæ æмæ энергетикон нозтытæ.

Наркотикон буарадты æрзылдыл контроль кæныны управленийы кусджытæ Гуфтайы хъæуы цы стационарон пост ис, уым баурæдтой 40-аздзыд горæты цæрæджы æмæ йæм басгæрсты рæстæджы ссардтой 6 къоппы медицинон наркотикон буарад «Лирика». Дохтыртæ куыд сбæрæг кодтой, афтæмæй ма спайда кодта наркотикон буарадæй дæр. Ацы закъонхалæджы бакодтой Мидхъуыддæгты министрады рæстæгмæдарæн изоляторы.

Дзауы районы 22-аздзыд Цæгат Ирыстоны цæрæг нæ сарæхст автомашинæ скъæрынмæ æмæ сæмбæлд бæласыл. Аварийы фæстиуæгæн шофыр æмæ йæ бæлццон уæззау цæфтимæ бахаудтой рынчындонмæ.

Горæт Цхинвалы 21-аздзыд шофыр, Советон уынджы скъæргæйæ, нæ радта фæндаг Джиоты Аланы проспектыл цæуæг автомашинæйæн æмæ йæ ныццавта. Фæндагон цауы фæстиуæгæн дыууæйæ уæлæнгай цæфтимæ бахаудтой рынчындонмæ.

Горæт Цхинвалы Гуыбаты æфсымæрты уынджы 40-аздзыд горæты  цæрæг йæ автомашинæ «ВАЗ – 2109» скъæргæйæ, сæмбæлд æндæр автомашинæ «Лексус»-ыл. «ВАЗ – 2109»-ы шофыр разынд нозтджын. «Лексус»-ы шофыр бамбæхст фæндагон цауы бынатæй, фæлæ йæ мидхъуыддæгты министрады кусджытæ фæдагурæн куыст бакæныны руаджы ссардтой æмæ йæ баурæдтой.

Горæт Цхинвалы 8-æм июны уынджы 30-аздзыд горæты цæрæджы, фæндагæн иннæ фарсмæ хизгæйæ, ныццавта автомашинæ, кæцыйы фæстиуæгæн бахауд рынчындонмæ. Банысан кæнын хъæуы уый æмæ уыцы æрцæугæ цауы бынаты фистæгæй цæуджытæн нæй фæндагæн иннæ фарсмæ ахизыны бар.