«Хуссар Ирыстоны сабитæ – Сирийы сабитæн», зæгъгæ, акцийы рæстæджы республикæйы æрæмбырд кодтой канцелярон товарты 40 къоппы, – фехъусын кодта РХИ-йы ахуырад æмæ зонады министры хæдивæг Гаглойты Элиса.
«Февралы мæйы Хуссар Ирыстоны ахуырад æмæ зонады министрад рахæцыд иумæйагуæрæсейаг акци. «Уæрæсейы сабитæ – Сирийы сабитæн»-ы æвварс, фæлæ мах фарсы æрдыгæй уымæн ис æндæр ном «Хуссар Ирыстоны сабитæ – Сирийы сабитæн», – загъта Гаглойты чызг.
«Нæ ахуырадон уагдæттæ февралы мæйæ суанг абоны боны онг æртымбыл кодтой канцелярон товарты 40 къоппы. Тагъд рæс-тæджы уыдон æрвыст æрцæудзысты Дзæуджыхъæумæ, уырдыгæй сæ уæрæсейаг æфсæддон-историон æхсæнад арвитдзæн уæрæсейаг партиимæ иумæ Сиримæ», – загъта Гаглойты Элиса.
Гаглойты чызг бузныджы ныхæстæ загъта, акцийы хайад чи райста, уыдонæн.
«Ныфс нæ ис, тагъд рæстæджы æфсымæрон Сирийы бæстонæй кæй сфидар уыдзæн сабырад æмæ стабилондзинад», – загъта министры хæдивæг.
Comments are closed, but trackbacks and pingbacks are open.