24 июлæй 31 июлмæ Хуссар Ирыстоны территорийыл æрцыдис цыппар фыдракæнды æмæ раргом сты. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Республикæйы фæндæгтыл æрцыдис æртæ фæндагон-транспортон цауы. Авариты фæстиуæгæн рынчындонмæ алыгъуызон цæфтимæ бахаудтой дыууæ адæймаджы.
Алыгъуызон бархалыны фæдыл горæты милицийы управленийы кусджытæ бæрндзинадмæ æркодтой 11 адæймаджы.
Фæндагон змæлды æдасдзинады инспекци къуырийы дæргъы сбæлвырд кодта 360 фæткхалæн цауы. Уыдонæй 27 уыдысты нозтджынæй машинæ скъæрыны цаутæ.
24 июлы оперативон информацийы фæдыл милицийы наркотикты æрзылды контроль кæныны кусджытæ Знауыры районы милицийы управленийы кусджытимæ иумæ басгæрстой Знауыры районы Уисты хъæуы 55-аздзыд бынæттон цæрæджы хисæрмагонд хæдзар. Басгæрсты рæстæджы скъæты уæлхæдзар ссардтой 46 хус гæны къутæры. Уымæй уæлдай ма йын йæ хæдзары ссардтой 3 500 тамакойы къоппы, кæцытæн нæ уыд бары гæххæттытæ æмæ маркировкæ. Фыдгæнæг конд æрцыд рæстæгмæдарæн изоляторы.
25 июлы милицимæ фехъусын кодтой, зæгъгæ Знауыры районы Суадæтты хъæуы 35-аздзыд цæрæджы фæнадтой горæттаг 29 æмæ 27-аздзыд цæрджытæ, кардæй йæм æртхъирæн кодтой æмæ йын стæй йæ автомашинæ «ВАЗ-2109» байстой. Оперативон-агурæн мадзæлттæ ауадзыны фæстиуæгæн цыбыр рæстæгмæ фыдгæнджытæ ахст æрцыдысты.
26 июлы милицимæ фехъусын кодтой, зæгъгæ горæт Цхинвалы Сталины уынджы хæлцадон дуканийæ адавтой 70 мин сомы. Оперативон-агурæн мадзæлттæ ауадзыны фæстиуæгæн цыбыр рæстæгмæ бæлвырд æрцыд фыдгæнæг – разынд нæ горæты 27-аздзыд цæрæг. Фыдгæнæг басаст йæ фыдракæндыл.
30 июлы горæты милицийы хайадмæ бынæттон 32-аздзыд цæрæг фехъусын кодта, зæгъгæ йын йæ хæстæг сывæллоны фæнадтой нæ горæты 51 æмæ 28-аздзыд цæрджытæ. 14-аздзыд æнæххæст кары сывæллон бахаудта рынчындонмæ. Аххосджынтæ тагъд рæстæджы конд æрцæудзысты бæрндзинадмæ.
Цхинвалы районы милицийы кусджытæ баурæдтой 46, 23 æмæ 27-аздзыд æмбæстæгты, кæцытæ спайда кодтой марихуанайæ. Уымæй уæлдай ма сæ зæрдæ фехсайдта наркотиктæй спайда кæнынмæ 46 æмæ 48-аздзыд æмбæстæгтæм, фæлæ нæ бакуымдтой медицинон басгæрстмæ æмæ сæ тæрхондон фæивар кодта.
Дзауы районы милицийы кусджытæ баурæдтой Дзауы районы Мугуты хъæуы 41 æмæ 52-аздзыд цæрджыты, кæцытæм сæ зæрдæ фехсайдта наркотиктæй спайда кæнынмæ. Фæткхалджытæ нæ бакуымдтой медицинон басгæрстмæ æмæ сæ тæрхондон фæивар кодта.
