17-ӕм июнӕй 24-æм июнмæ Хуссар Ирыстоны территорийыл æрцыдис дыууæ фыдракæнды æмæ раргом сты. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымӕй уӕлдай ма республикӕйы фӕндӕгтыл ӕрцыдис дыууæ авари, кæцыты фæстиуæгæн рынчындонмæ бахауд иу адæймаг.
Планон рейдон мадзӕлттӕ уадзыны рӕстӕджы Фӕндагон змӕлды ӕдасдзинады инспекци къуырийы дӕргъы сбӕлвырд кодта 226 фӕткхалӕн цауы. Уыдонӕй 10 уыдысты нозтджынӕй машинӕ скъӕрыны цаутӕ.
Алыгъуызон бархалыны фӕдыл бӕрндзинадмӕ конд ӕрцыдысты 10 адӕймаджы.
21 июны æрцыд æнамонд цау. Горæты 17-аздзыд цæрæг Цхинвалы цады йæхи найгæйæ фæхуыдыг.
Милицийы наркотикон буарадты æрзылдыл контроль кæныны управленийы кусджытæ оперативон-агурæн мадзæлттæ ауадзыны фæстиуæгæн къуырийы дæргъы баурæдтой фондз æмбæстаджы, кæцытæ æнæзакъонæй спайда кодтой наркотикон буарадтæй.
Знауыры районы Малдайы хъæуы 38-аздзыд цæрæг радавта Знауыры районы Арчънеты хъæуы 48-аздзыд цæрæджы автомашинæ «ВАЗ-2107». Милицийы оперативон-фæдагурæн мадзæлттæ райсыны фæстиуæгæн фыдгæнæг урæд æрцыд Дзауы районы Гуфтайы хъæуы.
Цхинвалы районы Громы хъæумæ хæстæг æрцыдис фæндагон-транспортон цау. Цхинвалы 55-аздзыд цæрæг нæ сарæхст йæ автомашинæ «УАЗ» скъæрын æмæ фæсвæд афæлдæхт. Йемæ ма бадтис дыууæ бæлццоны. Шофыр разынд нозтджын.
Цхиналы районы Ирыхъæуы æрцыдис фæндагон-транспортон цау. Цхинвалы 27-аздзыд цæрæджы автомашинæ «Лада Приора»-йы бын бахаудта Цхинвалы 56-аздзыд цæрæг, кæцы уæззау цæфтимæ бахауд рынчындонмæ.
Comments are closed, but trackbacks and pingbacks are open.