3 майы хуыйæн фабрикæ БТК-4 æрæвнæлдта нæ горæты медицинон кусджытæн сæрмагонд хъахъхъæнæн костюмтæ хуыйынмæ.
Æнæниздзинад хъахъхъæнын æмæ социалон райрæзты министрад уал полиэфирон хъуымацæй костюмтæ бахуыйыны тыххæй заказ радта 300 иуæджы. Уыдон ахъаз уыдзысты медиктæн коронавирусы инфекцийæ сæ бахизынæн.
Хъахъхъæнæн комбинезонтæ æмæ бахиллæтæ цы полиэфирон хъуымацæй хуыд æрцæудзысты, уыдонæн ис æхсæн æмæ сæ цалдæр хатты спайдагæнæн.
Фабрикæйы директор Цæкъойты Артур куыд зæгъы, афтæмæй закъаз æххæст кæнынц хуыйæн фабрикæйы 50 кусæджы. Хуссар Ирыстоны бирæпрофилон медицинон центры медиктæн 300 хъахъхъæнæн комбинезоны лæвæрд æрцæудзæнис къуырийы фæуды.
Уый ма куыд загъта, афтæмæй уыдон цæттæ сты медицинон маскæтæ хуыйыны закъаз райсынмæ дæр. Махмæ, зæгъгæ, ис сертификат уыдон хуыйыны тыххæй. Æндæр регионты сын цы филиалтæ ис, уыдон закъаз райстой УФ-йы Минпромторгæй æмæ баныхæсты фæлгæтты цы маскæтæ бахуыйынц, уыдон æрвыст æрцæуынц хицæн регионтæм.
Comments are closed, but trackbacks and pingbacks are open.