Дзæуджыхъæуы уагъд цæуы 2-æм æхсæнадæмон медиафорум «PRO Кавказ». Журналистты, Рr-специалистты, æмæ блогерты æхсæнрегионалон коммуникативон æмæ ахуырадон фæзуат цытджын æгъдауæй байгом 12-æм июлы оперæ æмæ балеты театры фæзуаты.
Форум цæудзæн дыууæ боны дæргъы. Æрæмбырдуæвджытæн Цæгат Кавказы Федералон зылды УФ-йы президенты æххæстбарджын минæвар Юрий Чайкайы номæй раарфæ кодта Цæгат Ирыстоны фæдыл сæйраг федералон инспектор Сергей Гончаров. Форумы уазджытæ æмæ хайадисджытæн ма арфæйы ныхæстæ загъта РЦИ-Аланийы премьер-министр Дзанайты Барис. «Абоны тагъд иваг дунейы æмæ глобалон ивындзинæдты уавæрты журналистон æмæхсæнады раз лæууынц ахсджиагдæр хæстæ. Сæ сæйрагдæртæ сты медиа-тыгъдад гъæдджын æмæ объективон саразын», – загъта Дзанайы фырт.
Фыццаг бон ам уыдзысты фембæлдтытæ зынгæ эксперттимæ, кæцыты ‘хсæн сты уæрæсейаг паддзахадон архайæг, тележурналист, Паддзахадон Думæйы депутат Евгений Попов, Уæрæсейы журналистты цæдисы секретарь Роман Серебряный, YK размæцыды æмæ аналитикæйы здæхты къухдариуæггæнæг Николай Афиногенов æмæ РБК Хуссар æмæ Цæгат Кавказы медиа къорды сæйраг редактор Ирина Силантьева, автор æмæ телеуадзæг Александр Смог.
Афтæ ма форумы уагъд цæуы журналистон дæсныйад «Идея PRО»-йы конкурс. Куыстытæ балæвæрдтой 8 номинацийæ, фæлæ уæлдай цымыдис сæвзæрын кодта спецноминаци – «Фыдыбæстæ хъахъхъæнджыты Идея PRO: знон, абон, алыхатт!». Цæгат Ирыстоны медиа фадыджы иууыл егъаудæр проекты спонсортæ систы компанитæ «ТБАУ» «компани «Бæгæныфыцæн хæдзар «Бавария»-йы къорд, Уæрæсейы журналистты цæдисы регионалон хайад æмæ æндæртæ. Пленарон рабадты хайад райсдзæн РЦИ-Аланийы Сæргълæууæг Сергей Меняйло. Рабадты темæ уыдзæн. «Ныхмæлæуды уавæрты информацион фадыг: факттæ фейкты ныхмæ. Хайад дзы райсдзысты Кавказы институты директор Александр Искандарян, Паддзахадон Думæйы депутат Евгений Попов, газет «Коммерсанть»-ы сæйраг редактор Иван Сухов æмæ æндæр эксперттæ.
Нæ уацх.
