Мыхуыры рацыд аивадон-литературон æмæ æхсæнадон-политикон журнал «Мах дуг»-ы 4-æм номыр.
Журнал йæ фыццаг фарсыл мыхуыр кæны историон зонæдты доктор, профессор Цыбырты Людвигы уац «Æнæрхъуыды ныхас карз быцæу сайы», зæгъгæ.
Поэзийæ журнал мыхуыр кæны Биазырты Кромвелы æмдзæвгæтæ ахæм сæры бын «Рухс моны сахайраг мелоди». Афтæ ма Гуыцмæзты Валерийы æмдзæвгæты цикл «Тагъд зындзæнис уалдзæг» æмæ йæ цыбыр биографи. Прозаикон уацмыстæй журналы бакæсдзыстут Цомартаты Изæтбегы роман «Зынгхуыст бæллицтæ»-йæ скъуыддзаг.
Журнал ма мыхуыр кæны ирон фысджыты «Арф хъуыдытæ цыбыр ныхæстæй».
РЦИ-Аланийы адæмон нывгæнæг, Уæрæсейы сгуыхт нывгæнæг, Хетæгкаты Къостайы номыл пад-дзахадон премийы лауреат Дзбойты Михалыл сæххæст 85 азы. Уый цытæн журналы ацы номыры бакæсдзыстут йæ хæлар Дауыраты Дамиры цыбыр уацтæ Михалы тых-хæй.
Уымæй уæлдай ма «Мах дуг»-ы равдысты бын дæр мыхуыр цæуынц Дзыбойты Михалы конд нывтæ. «Рагон таурæгътæ» – ахæм рубрикæйы бын мыхуыр цæуынц Мæхæмæтты Ахуырбегы уацтæ «Æргæскы мæсыг» æмæ «Хъысмæтæй алидзæн нæй».
Рубрикæ «Ирон Нартиадæйы аз»-ы бын мыхуыр цæуы педагогон зонæдты кандидат Айларты Зарæйы уац «Хуры цоты» алæмæттаг дуне.
Филологон зонæдты кандидат Мамиаты Изетæйы уац «Къостайы поэмæ «Фатимæ»: абарсты фæлварæн» – мыхуыргонд у рубрикæ «Критикæ æмæ библиографи»-йы бын.
«Рох хæзнатæ», зæгъгæ, ацы рубрикæйы бын журналкæсæг бакæсдзæн Туаты Заретæйы уац «Авдæнбæттæн». Рубрикæ «Адæмон сфæлдыстад»-ы мыхуыр цæуынц чысыл уацтæ ахæм сæры бын «Хæйрæджыты хабæрттæ», – зæгъгæ. Уымæй уæлдай ма, журналы ног номыры ис мæйы зынгæдæр цаутыл афæлгæст.
Нæ уацх.
