2020 азы 31 январы Республикæ Хуссар Ирыстоны Паддзахадон æдасдзинады комитетæн уыд хыгъдон æмбырд ивгъуыд азы оперативон-службæйон архайды тыххæй. Мадзалы хайад райстой Уæлдæр сæйраг командагæнæг – Республикæ Хуссар Ирыстоны Президент Бибылты Анатоли, Паддзахадон æдасдзинады комитеты кусджытæ, Уæрæсейы Æдасдзинады федералон службæйы органты официалон минæвар Хуссар Хрыстоны Степан Дроздов, Хуссар Ирыстоны Уæрæсейы арæнгæрон управленийы хистæр Владимир Щемелинин, РХИ-йы тыхон структурæты сæргълæуджытæ.
Хуссар Ирыстоны Паддзахадон Æдасдзинады комитеты сæрдар Олег Ширан йæ доклады Хуссар Ирыстоны мидполитикон уавæр банымадта стабилоныл. О, фæлæ уæддæр банысан кодта, зæгъгæ, 2019 азы Гуырдзыстон йæ гибридон стратегийы фæлгæтты дарддæр дæр мадзæлттæ уагъта, кæцытæ здæхт уыдысты Хуссар Ирыстоны конституцион фæтк фехалынмæ, паддзахадон æмæ æхсæнадон институтты компрометацимæ, афтæ ма Хуссар Ирыстоны паддзахадон арæнтæ скуынæг кæнынмæ, æмæ архайдта республикæйы территорийыл контроль кæнын бафæлварынмæ.
Олег Ширан куыд загъта, афтæмæй гуырдзиæгты архайды нысан уыд арæнгæрон зонæйы, уыцы нымæцы Знауыры районы Цънелисмæ æввахс зонæйы уавæр скарз кæнын. Цънелисы здæхты официалон Тбилисы архайдæн РХИ-йы Паддзахадон æдасдзинады комитеты дзуапп уыд ахæм: арæнгæрон цæрæг Хуссар Ирыстоны æмбæстæгты æдасдзинад сифтонг кæныны нысанæн арæзт æрцыдысты сæрмагонд мадзæлттæ, кæцытæ здæхт сты паддзахадон арæны уыцы фадыгыл контроль сæндидзын кæнын æмæ гуырдзиаг фарсы провокацитæн кæрон скæнын.
Паддзахадон æдасдзинады комитеты сæрдар йæ хъуыдытæ загъта Хуссар Ирыстоны спецслужбæты архайды сæйраг здæхты тыххæй дæр. Уый куыд банысан кодта, афтæмæй приоритетондæр здæхтытæй сæ иу у Хуссар Ирыстонмæ ахасты гуырдзиаг фарсы æмæ йæ ныгуылæйнаг кураторты плæнттæ æмæ фæндты тыххæй зонæнтæ æмбырд кæныныл кусын.
Контрразвæдсгæрсты архайдыл дзургæйæ, комитеты къухдариуæггæнæг радзырдта фæсарæйнаг спецслужбæты активондзинад ныххуыдуг кæныны фæдыл комплексон мадзæлтты реализацийы тыххæй.
Конституцион фæтк бахъахъхъæныны тыххæй Паддзахадон æдасдзинады комитет йæ тыхтæ аздæхта 2019 азы июны парламентон æвзæрстыты кампанийы рæстæджы æдасдзинад сифтонг кæнынмæ æмæ республикæйы æхсæнадон-политикон уавæр скарз кæнынмæ бахъавдттытæ рæстæгыл аиуварс кæнынмæ.
Куыст цыд, æхсæнадæмон террористон æмæ экстремистон организациты уæнгты Хуссар Ирыстоны территоримæ ма æрбауадзыны тыххæй, афтæ ма æнæ закъонæй æвæрд хæцæнгæрзтæ æмæ хæстон æрмæджытæ байсыныл.
Экономикон æдасдзинады фадыджы Паддзахадон æдасдзинады комитеты архайд здæхт уыд Хуссар Ирыстоны инфраструктурæ сæндидзын кæныны тыххæй Инвестицион программæйы оперативон реализацимæ.
Ведомствойы информацион-аналитикон куыст уагъд цыд оперативон уавæры арæзтцæуæг æртхъирæнтæн анализы, Хуссар Ирыстоны Президентæн æмбæлон доклад саразын æмæ паддзахадон хицауиуæгады уæлдæр органты æмæ управленитæн æмбæлон информаци дæттыны мониторингы контексты.
Олег Ширан ма банысан кодта, зæгъгæ, 2019 азы Æдасдзинады советы рабадтыты фылдæр хай уагъд æрцыдысты Паддзахадон æдасдзинады комитеты инициативæйæ.
Æхсæнадон бастдзинæдты тыххæй та загъта, зæгъгæ, Паддзахадон æдасдзинады комитет æдзухдæр информаци лæвæрдта республикæйы цæрджытæн, Хуссар Ирыстоны Паддзахадон æдасдзинады органты архайды тыххæй.
2019 азы Хуссар Ирыстоны Паддзахадон æдасдзинады комитеты оперативон-службæйон архайды фæстиуджытæн спецслужбæйы сæргълæууæг скодта æппæрццаг аргъ æмæ фидарæй банысан кодта комитеты разы лæууæг хæстæвæрдтæ сæххæст кæнынмæ ведомствойы дæлхæйтты цæттæдзинад.
Йæ раныхасы кæрон Паддзахадон æдасдзинады комитеты сæрдар банысан кодта, зæгъгæ, йæ архайды комитет сæрмагондæй æнцой кæны Хуссар Ирыстоны цæрджытыл æмæ сæ бузныг у се ‘мбарынады, æдасдзинадмæ æртхъирæнтæ иуварс кæныны хъуыддаджы сæ фарсхæцынады æмæ се ‘ххуысы тыххæй.
Comments are closed, but trackbacks and pingbacks are open.