Нæ бæстæйы эпидемиологон уавæр æрнывыл кæ-нынмæ Хуссар Ирыстонмæ цы бирæфункционалон æфсæддон госпиталь æрцыд, уый ныридæгæн исы коронавирусæй рынчын æмбæстæгты. Куыд зонæм, афтæмæй æфсæддон-быдырон бирæфункционалон госпиталь архайы нæ горæты республикон стадионы.
Мобилон госпиталы къухдариуæггæнæг, медицинон службæйы дæлбулкъон Расул Муртазалиев информацион фæрæзтæн куыд радзырдта, уымæ гæсгæ госпиталь кусдзæн æгас боны дæргъы. Цас рынчынтæ сæм цæуа, уыйас исдзысты. Нæ разы, зæгъгæ, цы хæс ис, уый сæххæст кæндзыстæм.
Банысан кæнын хъæуы уый, æмæ æфсæддон госпиталь нæ республикæйы Æнæниздзинад хъахъхъæныны министрадимæ бадзырды руаджы фыццаграды исдзæн, бынтон уæззау рынчын чи нæу, ахæмты. Уырдæм рынчынты ласдзæн тагъд æххуысы машинæ, дарддæр сæ æрвитдзыстæм, кæй – инфекцион, кæй терапевтон хайадтæм, уæззау рынчынты та – реанимацимæ.
Æфсæддон госпиталь дих у хайадтыл. Уыцы хайадтæ ифтонг сты æнæмæнгхъæуæг ифтонггæрзтæй. Зæгъæн ис, æмæ госпиталь ифтонг у нырыккон медицинон нысаниуæджы ифтонггæрзтæй – рæуджыты вентиляцигæнæн аппараттæ, пациенттæм интенсивон æгъдауæй цæстдарыны монитортæ, рентгеног-рафион æмæ УЗИ-йы аппараттæ, туджы анализатортæ æмæ ПЦР лаборатори. Лаборатори хъомы-садмæ гæсгæ иу боны дæргъы аразы 60 иртасæн куысты.
Расул Муртазалиевы ныхæстæм гæсгæ ПЦР диагностикæйы лаборатори у мобилон.
Æфсæддон-быдырон госпиталы сконды сты 80 медицинон кусæджы. Уыдонæй иу бригадæ службæ хæсдзысты æхсæз сахаты æмæ афтæ дарддæр ивдзысты сæ кæрæдзи. Суткæйы дæргъы архайынц цыппар бригадæйы.
Медицинон персонал се ‘ппæтдæр архайынц хихъахъхъæнæн дзаумæтты. Сменæйы фæстæ сырх зонæйæ сæрмагонд хинайæнты дезинфекцийы фæстæ рахизынц сыгъдæг зонæмæ. Арæзт сын ис æппæт цардуагон уавæртæ, фæлæ госпиталы территорийæ æддæмæ нæ хизынц.
Цæттæ сты рынчынтæ райсынмæ
Æфсæддон-быдырон госпиталь ныридæгæн райтынг кодта сæдæ бынаты рынчынтæн. Æмæ ма кæд бахъæуа, уæд сæ 150 бæрц ба-кæндзысты. Тестытæ дæр араздзысты бынаты, ис сæм фæсауæрцтæ æмæ кæд бахъæуа тестытæ кæнæ æндæр æнæмæнгхъæуæг препараттæ, уæд сæ æрласдзысты. Банысан кæ-нын ма хъæуы уый дæр, æмæ уæрæсейаг æфсæддон медиктæ æмархайд кæнынц Хуссар Ирыс-тоны Æнæниздзинад хъахъхъæныны министрадимæ æмæ консультацитæ уадзынц бирæпро-филон медицинон центры дохтыртимæ.
Æфсæддон госпиталы территори хъахъхъæд цæуы нæ республикæйы Уæрæсейы Хъахъхъæнынады министрады дислокацигæнæг 4-æм æфсæддон базæйы службæгæнджыты руаджы, уымæн æмæ у æфсæддон объект.
Нӕ уацх.
Comments are closed, but trackbacks and pingbacks are open.