28-æм сентбяры Президент Гаглойты Алан æрцыд Абхазмæ, Уæлахиз æмæ Хæдбардзинадыл 30 азы сæххæсты цытæн мадзæлтты хайад райсынмæ.
Хуссар Ирыстоны делегацийы сконды сты Фæсарæйнаг хъуыддæгты министр Джиоты Æхсар, Хъахъхъæнынады министр Марат Павлов, Парламенты депутаттæ.
Республикæ Хуссар Ирыстоны делегацийыл уæрæсейаг-абхазаг арæныл сæмбæлдысты Республикæ Абхазы Президенты Администрацийы сæргълæууæг Абесал Кварчия, Юстицийы министр Анри Барциц, Гаграйы районы администрацийы разамонæг Юри Хагуш.
Нæ бæстæйы сæргълæууæг дидинджытæ сæвæрдта Хуссар Ирыстонæй фæмардуæвæг бархионты цырты раз. Сиукъаты Джемал, Петров-Кокойты Роберт æмæ Мæргъиты Ацæмæзæн цырт æвæрд ис Гаграйы районы Псахары хъæуы.
Кусæгон визиты фæлгæтты Гаглойты Алан фембæлдзæн Аслан Бжанияимæ.
