Æнусон æмæ историон хæлардзинады уидæгтæ

Куыд ма хъусын кодтам, афтæмæй нæ республикæйы официалон делегаци Президент Бибылты Анатолийы сæргълæудæй хайад райста  Республикæ Абхазы Хæдбардзинад æмæ Уæлахизы боны цытæн уагъдцæуæг официалон мадзæлтты. Уыцы мадзæлтты фæлгæтты лæгæй-лæгмæ фембæлд уыд Республикæ Хуссар Ирыстоны Президент Бибылты Анатоли æмæ Республикæ Абхазы Президент Аслан Бжанияйæн.

 

Баныхæсты суагъæйон бацæуæн хайы Аслан Бжания зæрдæбын арфæйы æмæ æгасцуайы ныхæстæ загъта Республикæ Хуссар Ирыстоны  сæргълæууæгæн. Куыд загъта, афтæмæй сæ бæстæйы бæрæгбонон мадзæлтты уæлдай ахсджиагдæр нысаниуæг ис хуссарирыстойнаг делегацийы хайадистæн:

– Æгас цæут Абхазмæ! Фæнды мæ бузныджы ныхæстæ уын зæгъон, абон,  абхазаг адæмæн, Цæгат Кавказы адæмтæн, Хуссар Ирыстонæй не ‘фсымæртæн тынг ахсджиаг чи у, уыцы боны цытæн бæрæгбоны циндзинад немæ кæй дих кæнут, уый тыххæй, – загъта Аслан Бжания.

Бибылты Анатоли дæр йæхи фарсæрдыгæй арфæйы ныхæстæ загъта йæ коллегæйæн, ахæм зæрдиагæй сыл кæй фембæлд, уый тыххæй, Уæлахизы æмæ Хæдбардзинады бонæн куыд бæрзонд нысаниуæг ис, уый банысан кæнгæйæ.

– Дзырд дæр ыл нæй, абон стыр бæрæгбон кæй у. Уый баст у уæззау трагикон цаутимæ, зынаргъ æмæ æввахс адæймæгты фесафынимæ. Фæлæ, куыдфæндыйæ дæр бæрæгбон у, Фыдыбæстæйон хæсты фæуæлахизы бон.

Мæн фæнды ноджыдæр уын арфæ ракæнон ацы ахсджиаг боны фæдыл, арфæ ракæнон æппæт абхазаг адæмæн æмæ уын зæрдиагæй зæгъон дарддæры уæлахизы фæндиæгтæ алы фæдыздæхты дæр, рæзты фæндиæгтæ уæ диссаджы паддзахадæн, – загъта Республикæ Хуссар Ирыстоны Президент.

Бæрæгбонон мадзæлтты фæлгæтты баныхæстæ ацыдысты уæрæхдæрæй. Хуссарирыстойнаг делегацийы сконды ма уыдысты Фæсарæйнаг хъуыддæгты министр Медойты Димитр, Хъахъхъæнынады министр Гассеты Ибрагим æмæ Президенты Уынаффæгæнæг Дмитри Артощенко.

Президенттæ Бибылты Анатоли æмæ Аслан Бжания рауæрæхгонд фембæлд æмæ официалон баныхæсты рæстæджы æруынаффæ кодтой æмгуыстады фарстатыл. Дыууæфарсон баныхæсты ма Хуссарирыстойнаг делегацийы уæлдæрзагъдгонд уæнгты уæлдай хайад райста Республикæ Хуссар Ирыстоны Уæлвæткон æмæ Æххæстбарджын минæвар Республикæ Абхазы Боциты Олег.

Куыд ма хъусын кодтам, афтæмæй нæ республикæйы официалон делегаци Президент Бибылты Анатолийы сæргълæудæй хайад райста  Республикæ Абхазы Хæдбардзинад æмæ Уæлахизы боны цытæн уагъдцæуæг официалон мадзæлтты. Уыцы мадзæлтты фæлгæтты лæгæй-лæгмæ фембæлд уыд Республикæ Хуссар Ирыстоны Президент Бибылты Анатоли æмæ Республикæ Абхазы Президент Аслан Бжанияйæн.

 

Баныхæсты суагъæйон бацæуæн хайы Аслан Бжания зæрдæбын арфæйы æмæ æгасцуайы ныхæстæ загъта Республикæ Хуссар Ирыстоны  сæргълæууæгæн. Куыд загъта, афтæмæй сæ бæстæйы бæрæгбонон мадзæлтты уæлдай ахсджиагдæр нысаниуæг ис хуссарирыстойнаг делегацийы хайадистæн:

– Æгас цæут Абхазмæ! Фæнды мæ бузныджы ныхæстæ уын зæгъон, абон,  абхазаг адæмæн, Цæгат Кавказы адæмтæн, Хуссар Ирыстонæй не ‘фсымæртæн тынг ахсджиаг чи у, уыцы боны цытæн бæрæгбоны циндзинад немæ кæй дих кæнут, уый тыххæй, – загъта Аслан Бжания.

Бибылты Анатоли дæр йæхи фарсæрдыгæй арфæйы ныхæстæ загъта йæ коллегæйæн, ахæм зæрдиагæй сыл кæй фембæлд, уый тыххæй, Уæлахизы æмæ Хæдбардзинады бонæн куыд бæрзонд нысаниуæг ис, уый банысан кæнгæйæ.

– Дзырд дæр ыл нæй, абон стыр бæрæгбон кæй у. Уый баст у уæззау трагикон цаутимæ, зынаргъ æмæ æввахс адæймæгты фесафынимæ. Фæлæ, куыдфæндыйæ дæр бæрæгбон у, Фыдыбæстæйон хæсты фæуæлахизы бон.

Мæн фæнды ноджыдæр уын арфæ ракæнон ацы ахсджиаг боны фæдыл, арфæ ракæнон æппæт абхазаг адæмæн æмæ уын зæрдиагæй зæгъон дарддæры уæлахизы фæндиæгтæ алы фæдыздæхты дæр, рæзты фæндиæгтæ уæ диссаджы паддзахадæн, – загъта Республикæ Хуссар Ирыстоны Президент.

Бæрæгбонон мадзæлтты фæлгæтты баныхæстæ ацыдысты уæрæхдæрæй. Хуссарирыстойнаг делегацийы сконды ма уыдысты Фæсарæйнаг хъуыддæгты министр Медойты Димитр, Хъахъхъæнынады министр Гассеты Ибрагим æмæ Президенты Уынаффæгæнæг Дмитри Артощенко.

Президенттæ Бибылты Анатоли æмæ Аслан Бжания рауæрæхгонд фембæлд æмæ официалон баныхæсты рæстæджы æруынаффæ кодтой æмгуыстады фарстатыл. Дыууæфарсон баныхæсты ма Хуссарирыстойнаг делегацийы уæлдæрзагъдгонд уæнгты уæлдай хайад райста Республикæ Хуссар Ирыстоны Уæлвæткон æмæ Æххæстбарджын минæвар Республикæ Абхазы Боциты Олег.