Киномæкæсджыты домæнтæ хынцгæйæ

Ацы культурон уагдоны сӕйраг куыст у концерттӕ, уыцы нымӕцы хӕрзаудӕн концерттӕ, цытджын мадзӕлттӕ организаци кӕнын ӕмӕ кинонывтӕ æвдисын. «Чермен»-ы директор Саулохты Къоста куыд радзырдта, афтӕмӕй ивгъуыд аз октябры мӕйӕ фӕстӕмӕ ногӕй кусын райдыдта Уӕрӕсейы кинопрокатимӕ, ис Мӕскуыйы горӕты ӕмӕ хуыйны «Катай». Иугӕр кинофильммӕ Мӕскуыйы киноуарзджытӕ куы бакӕсынц, уӕд ӕй уый фӕстӕ та ӕрвитынц махмӕ.

Уӕхи фӕндонмӕ гӕсгӕ уын ӕрвитынц кинонывтӕ – ахæм фарстӕн Саулохы фырт дзуапп радта:

– Ацы компаниимӕ куыстам раздӕр азты дӕр ӕмӕ нын 2015-ӕм азы ӕрвыстой, сӕхи зæрдæмæ цы фильмтæ цыд, уыдон. Фӕлӕ ныр афтӕ нал у, уымӕн ӕмӕ уыцы архайд бынтон раппӕлинаг нӕ уыд, хынцын хъӕуы киноуарзджыты домӕнтӕ. Уымӕ гӕсгӕ ныр нӕхӕдӕг нызакъаз кӕнӕм, нӕхи цахӕм фильмтӕ хъӕуы, ома, киноуарзджыты домӕнтӕ хынцыд фӕцӕуынц. Октябры мӕйӕ та ногӕй нӕ куыст куы райдыдта, уӕд равдыстам мультфильмтӕ, комедитӕ ӕмӕ ӕндӕр ахӕмтӕ, ӕдӕппӕт авд кинонывы. Киноныв ӕвдисыны рӕстӕг ахӕссы иу къуырийӕ дыууӕ къуыримӕ. Бындуронӕй нӕ куыст цӕуы ахӕм хуызы: цытджын мадзӕлттӕ, концерттӕ, ӕндӕр ахӕм мадзӕлттӕ та бацӕттӕ кӕны ӕмӕ фӕуадзы Культурӕйы министрад.

Уӕлдӕр ма йӕ банысан кодтон, зӕгъгӕ нӕм цы ӕрцӕуы прокатӕй, уыдонӕй равзарӕм нӕхӕдӕг, уымӕн ӕмӕ зонӕм, не ‘мбӕстӕгтӕ фылдӕр ӕмӕ тынгдӕр цӕмӕ цымыдис кӕнынц, уый. Кӕй зӕгъын ӕй хъӕуы, нырма нӕм бирӕ адӕм нӕ цӕуы, тынг бирӕ киноуарзджытӕ нӕм ӕрбацыд, не ‘мбӕстаг Калоты Виталийы тыххӕй цы киноныв систой, уымӕ. Сеансы аргъ тынг зынаргъ дӕр нӕу -150 сомы, амӕйразмӕ нӕм ростоваг уазджытӕ куы уыд, уӕд фӕдисау сты, ома, махмӕ билеты аргъ у 600 сомы, ноджы фылдӕр та у Дзӕуджыхъӕуы – 700 сомы. Киноныв равдисыны фӕстӕ компанийӕн ӕрвитӕм 60 проценты, цал адӕймаджы ӕрбацыд йӕ бакӕсынмӕ, уымӕ нӕ кӕсгӕйӕ. Тыхджындӕр компанитӕ сты Америкӕ ӕмӕ Англи, уыдон та кинонывтӕ адӕттынц, кӕмӕн сӕ фӕнды, уыдонӕн, фӕлӕ махимӕ нырма ӕмгуыстад нӕ кӕнынц. Зӕгъын хъӕуы, уыдонмӕ сты иууыл хуыздӕр фильмтӕ, нӕ киноуарзджытӕ дӕр тынг цымыдис кӕнынц сӕ бакӕсынмӕ, фӕлӕ… Иудзырдӕй, кӕд Ныгуылӕнимӕ райдайӕм кусын, уӕд нӕ киноуарзджыты нымӕц дзӕвгар фӕфылдӕр уыдзӕн. Ӕнӕуый та киноты тыххӕй афишӕтӕ рагацау бацӕттӕ кӕнӕм нӕхӕдӕг ӕмӕ сӕ бакӕнӕм, хуыздӕр кӕм зынынц, ахӕм бынӕтты. Ацы хъуыддаджы нын хорз ӕххуыс кӕны нӕхи телеуынынад дӕр.

Хуыбиаты Никъала

Ацы æрмæджытæ дæр бакæс:

Лæггад кæнын зонæм кæрæдзийæн Нафийы фæстаг «балц» «Хурзӕрин» – 95/ Куыд райдыдтон кусын газет«Советон Ирыстон»-ы («Хурзæрин»-ы) редакцийы Адæмон сфæлдыстад «Алгъуызы» иу тæлмацы тыххæй, кæнæ куыд фæзынынц историон мифтæ æмæ мæнг халдихтæ