Дзӕвгар сты, Цхинвалы районы Къостайыхъӕуы зӕххы куыст чи кæны, уыдон, сæ байтыдтытæм базилынц агротехникӕйы домӕнтӕм гӕсгӕ ӕмӕ уый фӕстиуӕгӕн сӕ куысты фӕстиуджытӕй барухс вӕййы сӕ зӕрдӕ. Цӕвиттон, Джиоты Ацӕмӕз афтӕ бирӕ рӕстӕг нӕ кусы, хӕдзарадӕй цы зӕхх райста, уымӕ, кӕгӕйӕ алы хатт дӕр барухс вӕййы йӕ зӕрдӕ тыллӕгӕрзадӕй. Ацы аз йӕ бӕрны уӕвӕг зӕххы фадыгӕй 20 гектары байтыдта хъӕбӕрхоры культурӕ ӕмӕ 10 гектары та сысджы. Ӕрбалӕууыд ӕфсирон культурӕтӕ ӕфснайыны рӕстӕг ӕмӕ йын йӕ хуымзӕххытӕ ӕфснайынмӕ рацыдысты раззагон комбайнертӕ Джиоты Вадим ӕмӕ Хуыбецты Вася. Уыдон хъаруджын ӕмӕ ӕнӕзӕрдӕхудт фӕллойы фӕрцы хӕдзарад бафснайдта 40 тоннӕйы тыллӕг, карст фӕци сысджыйы хуым дӕр ӕмӕ уымӕн та йӕ иу хайӕ бафснайдтой холладжы тыхтӕттӕ.
Раззагоныл нымад цӕуы ацы хъӕуы «Билурта»-йы хӕдзарад дӕр. Бинонтӕм цы зæххы фадыг ис фидаргонд, уый ӕрӕмбонд кодтой ӕмӕ уымӕ гӕсгӕ байтыдтӕ хызт сты знаггадӕй. Хӕдзарады уӕнгтӕ рӕстӕгыл бакуыстой сӕ зӕххы фадыг ӕмӕ дзы байтыдтой 10 гектары фӕззыгӕнд мӕнӕу, 17 га – хъӕбӕрхор ӕмӕ сысджы та 7 – га. Бӕрӕг аххосӕгтӕм гӕсгӕ тыллӕг ӕфснайыны кампани кӕд афӕстиат, уӕддӕр ацы бонты бавнӕлдтой ахсджиаг куыстмӕ. Агротехникӕйы домӕнтӕ ӕххӕст кӕнгӕйӕ, дызӕрдыггаг нӕу, се ‘ркӕнгӕ тыллӕг та кӕй уыдзӕн зӕрдӕйы фӕндиаг.
Хуыбиаты Никъала
Comments are closed, but trackbacks and pingbacks are open.