Уазæгты Юри:
Сомихстоны премьер-министр Никол Пашиняны хъусынгæнинаг Гуырдзыстоны территориалон æнæхъæндзинады фарсхæцынады тыххæй ссис фæстаг рæстæджы ацы фæскавказаг республикæты ныры разамынады антиуæрæсейаг къахдзæфтæй сæ иу. Хуссар Ирыстон æмæ Абхазы фæдыл Уæрæсейы позицийы ныхмæ ма Пашинян фехъусын кодта, Коллективон æдасдзинады фæдыл бадзырды организацимæ къорд претензийы, уымæй равдыста зæгъгæ, гæнæн ис æмæ Сомихстон рахиза ацы æхсæнадæмон организацийæ.
Уыцы-иу рæстæджы Ереван интенсивонæй æввахс кæны Евроцæдис æнгомдзинад æмæ къорд бæстæтимæ, куыд Германи, Стыр Британи æмæ Францимæ. Фыццаджыдæр, æмгуыстады активизаци нысан цæуы, хъахъхъæнынадон ведомствоты æмæ спецслужбæты хаххыл.
Уымæй уæлдай ма, Сомихстоны хицауад æртхъирæн кæны республикæйы территорийыл уæрæсейаг каналты куыст æруромынæй æмæ уæрæхдæр кæны ныгуылæйнаг æнæхицауадон организацитимæ контакттæ, кæцытæн сæ архайд здæхт у Уæрæсейы ныхмæ.
Уæлдай диссаджы цау та ссис гуманитарон æххуысимæ Киевмæ Пашиняны цардæмбалы визит. Уый у Мæскуыйы ныхмæ демонстративон жест.
Уыцы архайдтыты нысан уый мидæг ис, æмæ Никол Пашинян Хæххон Къарабах кæронмæ радтыны фæстæ æрæвнæлдта йæ Уæрæсейы ныхмæ курс æргомæй реализаци кæнынмæ. 2018 азы Сомихстоны «бархатон» фæфæлдæхты фæстæ азты фактон æгъдæуæй куыст цыд Ереваны уæрæсейаг æндæвдадæй ракæныныл. Сомихаг æхсæнады ахсджиаг сегменттæ, уыцы нымæцы арцахаг элитæйы минæвæрттæ, дарддæр дæр се ‘ргом здахтой Мæскуымæ, уыцы-иу кæнæ иннæ хуызы уæрæсейаг-сомихаг ахастыты ревизийы ныхмæ ралæугæйæ. Бахъуыд бирæ азты дæргъы системон куыст, Пашиняны командæйы сæйраг хæс сæххæст кæнынæн – ацы республикæйы проуæрæсейаг тыхты позицитæ ныппырх кæнынæн. Уый уыд Сомихстоны æддагполитикон курс раивыны тыххæй.
Цалдæр азы дæргъы уголовон фæдагуырдæй, алыгъуызон æндæвдадты фæрцы Пашиняны æмæ йæ алыварс адæм ницæмæ дардтой сæ оппонентты. Уыдон дарддæр дæр уыдысты УФ-имæ ахастыты раздæры формат бахъахъхъæныны æмæ æгæрыстæмæй Уæрæсейы æмæ Белоруссийы Цæдисон паддзахадмæ Сомихстоны бацæуыны æвварс.
Уыимæ иумæ уæрæсейаг-сомихаг ахастыты гъæд цæхгæр фæныллæгдæр. Уый бандæвдта Сомихстон æмæ Хæххон Къарабахы æдасдзинады уавæрыл украинæйаг цауты фоныл.
Фæстаг дыууæ къарабахаг хæсты фæстæ оппозици басæттыны ныхмæ куыст цæуы ноджы карздæрæй. Ахæм катастрофон къуыхцытæ фæстиуæг ссис национ масштабон национ трагеди. Хицауады баззайыны тыххæй хъуыд æнахуыр архайдтытæ. Сомихаг информагентадты лентæты регулярон æгъдауæй фенæн ис спецслужбæты хъусынгæнинæгтæ радон сусæг фæндтæ раргом кæныны тыххæй, цыма уыдон пълан кодтой паддзахадон фæфæлдæхт саразын, Пашиняны амарын æмæ афтæ дарддæр.
Æвæццæгæн, афтæмæй Пашиняны командæ хицауады баззайыны тыххæй пайда кæнынц репресситæй æмæ дарддæр кæнынц сомихаг адæмæн сæфты курс.
Сомихстоны разамынады фæстаг архайдтытæ фидар кæнынц тезис, зæгъгæ, сомихаг-азербайджайнаг ахастыты фæстаг азты цаутæ, уыцы нымæцы конфликты тыхон фазæ кæй сног ис, дзуапп дæттынц Ныгуылæны интерестæн. Уый ныртæккæ тырны сæвзæргæ уавæрæй спайда кæнын æмæ Кавказы сæ позицитæ сфидар кæнынмæ.
Иу ныхасæй, постсоветон тыгъдады Сомихстонæй Ныгуылæны радон форпост саразыны фæдыл проект йæ финишмæ хизы.
Ацы æрмæджытæ дæр бакæс:
УФ-йы фæсарæйнаг хъуыддæгты министрады официалон минæварады комментари 2008 азы августы цауты фæдыл
Нæ стратегион партнер – стыр бæстæ Уæрæсе
Дыууæ бæстæйы лидерты бадзырдтæ æвдисæн сты дыууæварсон ахастыты гъæдæн
Æмцæдисад æмæ интеграцимæ тырнындзинад æвдисæг фембæлд
Уæрæсейы Федерацийы официалон дзуапп «æнæлегитимондзинады» фæдыл
