Республикæ Хуссар Ирыстоны Президент Гаглойты Алан йæ къух æрфыста, медицинон кусджытæй дыууæ кæнæ фылдæр бынаты чи кусы, уыцы фарст соптимизаци кæныны фæдыл мадзæлттæ бакусыны тыххæй Уынаффæйыл.
Цухдзинæдтæ аиуварс кæныны нысанæн, кæцыты Уæрæсейы Федерацийы Казначейство сбæрæг кодта Республикæ Хуссар Ирыстоны Æнæниздзинад хъахъхъæнын æмæ социалон рæзты министрады басгæрсты рæстæджы æмæ медицинон кусджытæй дыгай бынæтты чи кусы, уыдоны куыст соптимизаци кæныны фæдыл мадзæлттæ бакусыны тыххæй Президент Гаглойты Алан йæ къух æрфыста æмбæлон уынаффæйыл:
Документы дзырдæуы:
«Цухдзинæдтæ аиуварс кæныны нысанæн, кæцыты Уæрæсейы Федерацийы Казначейство сбæрæг кодта Республикæ Хуссар Ирыстоны Æнæниздзинад хъахъхъæнын æмæ социалон рæзты министрады басгæрсты рæстæджы æмæ медицинон кусджытæй дыгай бынæтты чи кусы, уыдоны куыст соптимизаци кæныны фæдыл мадзæлттæ бакусыны нысанæн:
- Арæзт æрцæуæд къамис ахæм скондæй:
Джиоты Алан Никъалайы фырт – Республикæ Хуссар Ирыстоны Президенты Администрацийы къухдариуæггæнæг (къамисы сæрдар);
Джиоты Алан Владимиры фырт – Республикæ Хуссар Ирыстоны Хицауады Сæрдары фыццаг хæдивæг (къамисы сæрдары хæдивæг);
Плиты Агуындæ Феликсы чызг – Республикæ Хуссар Ирыстоны Æнæниздзинад хъахъхъæнын æмæ социалон рæзты министр;
Плиты Александр Михаилы фырт – Республикæ Хуссар Ирыстоны Парламенты Сæрдары хæдивæг, Республикæ Хуссар Ирыстоны социалон политикæ æмæ æнæниздзинад хъахъхъæнын фæдыл парламентон комитеты сæрдар;
Медойты Дзамбулат Ростикы фырт – Национ политикæ, культурæ, дин æмæ дзыллон информацийы фæрæзты фæдыл парламентон комитеты сæрдары хæдивæг;
Тыбылты Заринæ Валерийы чызг – Республикæ Хуссар Ирыстоны Президенты Паддзахадон уынаффæгæнæг;
Цоциты Аллæ Русланы чызг – Республикæ Хуссар Ирыстоны Æнæниздзинад хъахъхъæнын æмæ социалон рæзты министры фыццаг хæдивæг;
Сиукъаты Родион Шалвайы фырт – Республикæ Хуссар Ирыстоны Æнæниздзинад хъахъхъæнын æмæ социалон рæзты министры хæдивæг;
Джыгкайты Виолеттæ Гурамы чызг – Республикæ Хуссар Ирыстоны Æнæниздзинад хъахъхъæнын æмæ социалон рæзты министрады планон-экономикон хайады хистæр.
- 2023 азы 1-æм августмæ Республикæ Хуссар Ирыстоны Президентмæ къамис æрбавдисæд куысты фæстиуджыты фæдыл хатдзæгон доклад».
