Уагъд æрцыд Хицауады æнæрадон рабадт, цыран æруынаффæ кодтой, коронавирусон инфекци СОVID-19 апарахат кæнынæй тасдзинады фæдыл æмбæстæгтæн æххуыс кæныны хайад чи иста, уыцы медицинон кусджытæн сæ куыстмыздтæм уæлæмхас æхцайы бафыстыты фарстайыл.
Хицауады резервон фондæй «Республикон бирæпрофилон медицинон центрæн» хицæн æрцыд 2 200 650 сомы 2020 азы 14 апрелæй 31 маймæ, Дзауы централон рынчындонæн 2020 азы 4 майæ 23 июнмæ – 323 500 сомы.
«Æппæт медицинон кусджытæн, дохтыртæй райдайгæ суанг техникон персоналы онг, кæцытæ сæ цард æмæ æнæниздзинадæн тасуæвгæйæ, æххуыс кодтой коронавирусæй рынчынтæн, хъуамæ райсой уæлæмхас бафыстытæ», – банысан кодта Хицауады Сæрдар Пухаты Эрик.
Хицауды сæргълæууæг бахæс кодта Æнæниздзинад хъахъхъæныны æмæ социалон рæзты министрад æмæ Дзауы районы администрацийæн, цæмæй хицæнгонд æхцайы фæрæзтæ дих кæныныл контроль сифтонг кæной æмæ Финансты министрадмæ æр-бавдисой хæрдзты фæдыл хыгъд.
Comments are closed, but trackbacks and pingbacks are open.