Республикæ Хуссар Ирыстоны Президент Бибылты Анатоли ауагъта Хицауады рабадт. Боны фæткмæ хаст æрцыдысты дыууæ сæйраг æмæ иу та уæлæмхас фарсты.
Медицинон кусджытæн сæрмагонд уавæрты æмæ уæлæмхас куысты тыххæй, кæцытæ æххуыс кæнынц фæрынчынæй тас кæмæн у æмæ коронавирусон инфекци COVID-19 цы æмбæстæгтæн бæрæг æрцыд, уыдонæн. Хицауад ахæмтæн сфидар кодта разæнгардгæнæн бафыстытæ.
Сæйраджыдæр, бафыстытæ нысан æрцыдысты медицинон кусджытæн, кæцытæ æххæст кодтой биоæрмæджыты райст, медицион эвакуаци, мадзалы дезинфекцион мадзæлттæ, хæринагæй чи ифтонг кодта, электро- æмæ донифтонгады системæйы æххæсткæнынад, брæтты утилизаци, афтæ ма медицинон æххуыс æмæ хъусдард чи æххæст кодта, изолояцийы цы æмбæстæгтæ æмæ коронавирусон инфекци COVID-19 цы пациенттæн рабæрæг, уыдонмæ хъус чи дары, уыдонæн.
Хицауады Уынаффæмæ гæсгæ бафыстытæ нысан æрцæудзысты медицинон кусджытæн, кæцытæ изоляцийы уыдысты 2020 азы 14 апрелæй 20 июнмæ. Дохтыртæ æмæ астæуккаг медицинон персоналæн – 2000 сомы иу суткæйы, фæлæ мæйы мидæг 30000 сомæй фылдæр нæ, кæстæр медицинон персоналæн-1200 сомы суткæйы, фæлæ мæйы мидæг 25000 сомæй фылдæр нæ.
Афтæ ма бафыстытæ хаудзысты медицион кусджытæм, кæцытæ специалон стационарон медицинон æххуыс кодтой коронавирусон инфекци COVID-19 кæмæн рабæрæг, уыцы æмбæстæгтæн 2020 азы 6 майæ 30 июнмæ. Дохтыртæн – 3000 сомы суткæйы, фæлæ мæйы мидæг 50000 сомæйы фылдæр нæ, астæуккаг медицинон персоналæн – 2500 сомы суткæйы, фæлæ мæйы мидæг 40000 сомæй фылдæр нæ, кæстæр медицинон персоналæн -1500 сомы суткæйы, фæлæ мæйы мидæг 30000 сомæй фылдæр нæ.
Паддзахады сæргълæууæджы ныхæстæм гæсгæ, уыдон сты бындурджын бафыстытæ, уымæн æмæ пациенттимæ бастдзинады сты æрмæстдæр медицинон кусджытæ, кæцытæ кусынц «сырх зонæйы».
Бафыстытæ ма райсдзысты медицинон кусджытæ, кæцытæ иухаттон æххуыс бакодтой, изоляцийы цы æмæбæстæгтæ уыдысты 2020 азы 14 апрелæй 30 июнмæ, уыдонæн. Уыцы куысты тыххæй дохтыртæ райсдзысты 500 сомы иухаттон æххуысы тыххæй, астæуккаг, кæстæр персонал – 300 сомы иухаттон æххуысы тыххæй.
Дохтыртæ, кæцытæ куыстой 2020 азы 6 майæ 30 июнмæ коронавирусон инфекци COVID-19 бæрæг пациенттимæ, райсдзысты – 750 иухаттон æххуысы тыххæй, астæуккаг æмæ кæстæр хæдзарадон медперсонал – 500 сомы иухаттон æххуысы тыххæй.
«Бафыстытæ хъуамæ уой æргом æмæ максималонæй æмбæрстгонд», – загъта Бибылты Анатоли.
Бафыстытæ ма фидар æрцыдысты фæлхасгæнджыты бартæ æмæ адæймаджы фæрныгад хъахъхъæныны фадыджы цæстдарды комитеты æмæ Паддзахадон бюджетон куыстуат «Гигиенæ æмæ эпидемиологийы центры» кусджытæн.
2020 азы 1 апрелæй 30 июнмæ Республикæ Хуссар Ирыстоны санитарон-эпидемиологон æдасдзинад сифтонг кæныны тыххæй уæлдай ахсджиаг куыстытæ сæххæст кæныны фæдыл бафыстытæ нысан æрцæудзысты басгæрстытæ æмæ диагностикæ чи æххæст кодтой, уыцы лабораторон медицинон æмæ æндæр кусджытæн, COVID-19 рынчынтимæ æмæ уыцы адæмимæ бастдзинады чи уыд, уыдон.
Сæйраджыдæр, дохтыртæн -1000 сомы боны мидæг, астæуккаг æмæ кæстæр медицнон персоналæн – 500 сомы боны мидæг, дезинфекцигæнджытæн – 500 сомы, хæдзæрттæм цæуæг бригадæтæн – 1000 сомы иу адæймагæн. Максималон бафыст иу мæйы мидæг уыдзæн 30000 сомы.
Дарддæр Хицауады уæнгтæ схъæлæс кодтой Республикæ Хуссар Ирыстоны Хицауады Резервон фондæй 497 815 сомы бæрц æхцайы фæрæзтæ рахицæн кæныныл Сæудæджерад, транспорт æмæ энергетикæйы комитетæн Паддзахадон унитарон куыстуат «Автомобилон транспорты управ-ленийæн» финансон æххуысы тыххæй.
Финансон фæрæзтæ хицæн æрцыдысты Паддзахадон унитарон куыстуат «Авто-мобилон фæндæгты управленийы» хицæн кусджытæн куыстмызд бахъахъхъæныны нысанæн, рæстæгмæ нæ кусыны тыххæй, кæцы баст у коронавирусон инфекци COVID-19 ма апарахат кæныны арæнгонд мадзæлттимæ.
Comments are closed, but trackbacks and pingbacks are open.