Уæрæсейы Наукæйы министрад архайы, цæмæй бæстæйы уæлдæр ахуыргæнæндæттæ æххуыс æмæ æмгуыстад кæной Донбассы уæлдæр ахуыргæнæндæтты студенттимæ. Уыцы хæс сæхимæ райстой Цæгат Ирыстоны разамынд дæр. Райдайæны уал нæ медакадеми райста цалдæр студенты æмæ æнтыстджынæй ахуыр кæнынц. Ацы бонты студенттæ райсынмæ æнхъæлмæ кæсы ЦИПУ дæр.
Цæгат Кавказы Паддзахадон техникон университет (ГМИ) дæр райста цалдæр студенты. Уымæй дарддæр ма уыдон Донецкы Техникон университеты разамындимæ бафыстой æмгуыстады бадзырд. Ацы дыууæ ахуыргæнæндоны ма 2016 азы бафыстой ахæм бадзырд, фæлæ уæд уый фылдæр уыд кæрæдзи фæлтæрддзинадыл сахуыр кæныны тыххæй. Ныр та йын ис ахадгæдæр нысаниуæг.
«Мах фæнды студентты сахуыр кæнынæй дарддæр æмархайд кæнын, алывæрсыг æххуыс сын кæнын. Нæ бон у ахуыргæнджыты сын рæстæгмæ арвитынмæ, консультативон, методикон, наукон, техникон æххуыс бакæнынмæ. Ныр уал студенттæ исыны куыст цæудзæн дарддæр. Кæй фæнда, уыдонæн нæм кæддæриддæр ис бынат» – загъта институты ректоры хæстæ рæстæгмæ æххæстгæнæг Игорь Алексеев.
Нæ уацхæссæг
Comments are closed, but trackbacks and pingbacks are open.