11 ноябры 2009 азы Республикӕ Хуссар Ирыстон ӕмӕ Уӕрӕсейы Федерацийы Мидхъуыддӕгты министрадтӕ бафыстой бадзырд, кӕцыйы бындурыл ӕрвылаз дӕр милицийы кусджытӕ ӕмӕ республикӕйы скъолаты рауагъдонтӕ ӕрвыст ӕрцӕуынц Уӕрӕсейы Федерацийы Мидхъуыддӕгты министрады уӕлдӕр ахуыргӕнӕндӕттӕм. Ахуыры бынӕттӕ рахицӕн ӕрцыдис Нижегородскы, Волгограды академитæм, Воронежы институтмӕ, Орловы ӕмӕ Ростовы юридикон институттæм ахӕм дӕсныйадмӕ – «Правовое обеспечение национальной безопасности». 15 майӕ 25 маймӕ Мидхъуыддӕгты министрад истой куырдиӕттӕ, кӕй фӕнды ахуырмӕ, уыдонӕй. Иууыл иумӕ ахуыры бынӕттӕ сты 20, куырдиӕттӕ та райстой 35 адӕймагӕй.
Ахуырмӕ цӕуджытӕ хъуамӕ радтой фӕлварӕнтӕ уырыссаг ӕвзагæй, историйӕ, æхсæнадзонынадӕй, математикӕйӕ. Медицинон ӕмӕ психологон басгӕрст хъуамӕ рацӕуой, афтæ ма равдисой сӕ физикон арӕхстдзинад.
Ахуырмæ кæй райсой, уыцы курсантты хицауад алцӕмӕй дӕр ифтонг кӕндзӕн ӕмӕ сын ахуыр фӕуыны фӕстӕ ратдзысты милицийы лейтенанты ном. Сӕ ахуыры рӕстӕг нымад ӕрцӕудзӕнис куысты стажыл ӕмӕ ахуыры фӕстӕ ӕрцӕудзысты Хуссар Ирыстонмӕ службӕ кӕнынмӕ.
11-ӕм июны фыццаг фӕлварӕн радтой физикон цæттæдзинадӕй. Фӕлварӕнтӕ истой ХИПУ-йы физикон хъомылады кафедрӕйы лектортӕ. Мидхъуыддӕгты министр Наниты Игорь ӕмӕ исӕн къамисы сæрдар, мидхъуыддӕгты министры хӕдивӕг Дзабиты Æхсар дӕр фӕуазӕг сты фӕлварӕнмӕ ӕмӕ бакастысты кандидатты арӕхстдзинадмӕ.
«Цӕмӕй фӕлварӕнтӕ объективондӕр уой, уый тыххӕй къамисмæ, кӕцымӕ ӕрбахуыдтам ХИПУ-йы лекторты. Кандидаттӕ рацыдысты специалон басгӕрст Мидхъуыддӕгты министрады ӕмӕ Хицауады хъахъхъӕнынады комитеты ӕмӕ ма рацыдысты медицинон къамис дӕр», – загъта исæн къамисы уӕнг Джиоты Созыр.
ДЖИОТЫ Александр
Comments are closed, but trackbacks and pingbacks are open.