Æлборты Феликсы номыл Цхинвалы музыкалон ахуыргæнæндон йæ сырæзтæй фæстæмæ цæстуарзонæй лæггад кæны æвзонг кадртæ цæттæ кæныныл. Уыдон та сæхи рады музыкалон аивады хъæздыг æвæрæнтæй хайджын кæнынц сомбоны курдиæтты. Ацы ахуыргæнæндоны раздæры æвзыгъд æмæ дæсны педагогты раппæлинаг хъуыддæгтæ ахуырхъомыладон куыст дарддæр кæнынц, абоны бон дзы цы цæттæ ахуыргæнджытæ кусы, уыдон. Ахæмты нымæцмæ хауынц Куымæридтаты Тинæ, Сланты Ацæмæз, Гатыгкоты Жаннæ, Харебаты Марта, Тедеты Ацæмæз, Гатыгкоты Нинæ æмæ æндæртæ. Уагдон æххæст у алыхуызон музыкалон инструменттæй. Ахуыргæнæндонæн ис йæхи хъæздыг библиотекæ дæр æмæ цæстуарзонæй лæггад кæны ахуыргæнинæгтæн хъæуæг литературæйæ.
Ног ахуыры азы ахуыргæнæндон райста 24 ахуыргæнинаджы. Ахуыргæнæндоны директор Гæджиты Жаннæ куыд загъта, афтæмæй академион вокалмæ райстой – 6, эстрадон вокалмæ – 7, хореографион хайадмæ – 4, адæмон инструментты хайадмæ дæр райстой 4 адæймаджы, уыцы нымæцы домрæйыл ахуыр кæндзысты дыууæ æмæ иу ахæм та теоретикон æмæ практикон зонындзинæдтæй сæхи хотыхджын кæндзысты аккордеоныл цæгъдджытæ æмæ афтæ дарддæр.
ХУЫБИАТЫ Никъала
Comments are closed, but trackbacks and pingbacks are open.