УÆЛÆМХАСÆН АХУЫРАД
Цæмæй кæстæр фæлтæр сæйраг ахуырæй дарддæр фылдæр уæлæмхасæн зонындзинæдтæ райсой, уый тыххæй паддзахад бирæ мадзæлттæ аразы. Республикæйы фылдæр кæнынц алыхуызон секцитæ, кружоктæ, организацитæ, центртæ. Уыдонæн аивта сæ ахуыры æмæ финанс кæныны системæ. Ифтонг сты æппæт хъæугæ техникæйæ. Лæппутæ фылдæр æвзарынц роботтæ, ракетæтæ, вертолеттæ аразыны техникæ, компьютертыл кусыны сусæгдзинæдтæ. Чызджытæ – хуыйын, бийын, хъуымацыл нывæфтыдтæ аразын æмæ бирæ æндæртæ. Сабиты кар хъуамæ уа 10-18 азмæ. Нырæй фæстæмæ ахæм уагдæтты уæлæмхасæн ахуырад райсын кæй бафæнда, уымæн дæтдзысты сертификат. Ахуыр уыдзæн лæвар, уыцы хæс йæхимæ исы паддзахад. Ахæм уагдæттæ канд муниципалон нæ уыдзысты, фæлæ хисæрмагонд дæр.
Сертификат алы ахуырдзауæн дæр уыдзæн сæрмагонд, паддзахадон бæрн æвдисæг документ. Лæвар дæсныйад райсын алы бинонтæн дæр уыдзæн хорз материалон æххуыс. Ахуырадон уагдæттæн та, ацы программæ царды уадзгæйæ, хуыздæр фадат уыдзæн сæ дарддæры рæзтæн, арфæгонд уыдзысты паддзахад æмæ ныййарджытæй.
Ныридæгæн уæлæмхасæн ахуырад райсыны тыххæй сертификатты хицæуттæ систы республикæйы 6000 сывæллонæй фылдæр. Сертификат æрвылаз исын нæ хъæуы, алкæмæн дæр 18 азы кармæ уыдзæн уыцы иу документ. Ахуырдзауы иу секцийæ æндæр ранмæ хизын куы бафæнда, уæд ын ахуырæн цы материалон æххуыс снысан кодтой, уый ацæудзæн йемæ.
Ныридæгæн интернеты тыгъдады ис сæдæгай ахуырадон уагдæтты адрестæ æмæ телефонтæ, сывæллæтты райсынмæ цæттæ чи у. Уырдæм фæдзургæйæ алчидæр райсдзæн бæлвырддæр информаци…
Нæ уацх.
Comments are closed, but trackbacks and pingbacks are open.