Президент Бибылты Анатоли фембæлд Цхинвалы районы Сарабукъ, Къохат æмæ Присы хъæуты цæрджытимæ. Фембæлды рæстæджы æруынаффæ кодтой социалон æмæ политикон здæхты фарстытыл. Фембæлды ма хайад райста Цхинвалы районы администрацийы сæргълæууæг Мамытаты Вахтанг.
Æрæмбырдуæвджыты фарстытæн дзуапп кæнгæйæ, Президент загъта, зæгъгæ, нуазыны дон æмæ фæндаг цалцæг кæнынимæ баст проблемæтимæ зонгæ у.
«Фондз азы дæргъы мах активонæй кусæм æмæ реализаци кæнæм адæмы царды æмвæзад фæхуыздæр кæныны фæдыл арæзт программæ. Сарабукъ æмæ Къохаты хъæутыл дзургæйæ, æнæмæнгхъæуæг у нуазыны доны проблемæ аскъуыддзаг кæнын. Нæ нын бантыст æвзæр боныгъæдтæм гæсгæ, фæлæ куыддæр фадат фæзына, афтæ куыстытæ адарддæр уыдзысты. Афтæ уыд фарстытæ, кæцытæ баст уыдысты зымæджы фæндæгты уа-вæримæ.
Паддзахады сæргълæууæг банысан кодта, зæгъгæ, хæдзæрттæ цалцæг кæны-ны фарст, кæцытæ ныппырх сты 2008 азы хæсты рæстæджы скъуыддзаг æрцæудзæн.
«Æнæмæнгхъæуæг у Цъоби-Къохаты донвæд сцалцæг кæнын. Сарабукъы хъæуы сцалцæг кæнын хъæуы Ирыхъæу-Сарабукъы иувæрсты цæуæг фæндаг, Цъхамура-Сарабукъы донвæд, афтæ ма Сарабукъы хъæууон администрацийы бæстыхайы сцалцæг кæнын», – банысан кодта уый.
Бибылты Анатоли ма æрдзырдта мидæггагон политикæ æмæ Хуссар Ирыстоны Президентон æвзæрстыты фæдыл.
Сарабукъ æмæ Къохаты цæрджытимæ фембæлды фæстæ Президент фембæлд Присы хъæуы цæрджытимæ.
Æрæмбырдуæвджыты фарстытæн дзуапп кæнгæйæ паддзахады сæргълæууæг банысан кодта, æппæт хæстæ дæр скъуыддзаг кæй æрцæудзысты. Сæйраджыдæр, уыдон хауынц фæндæгты цалцæгкæнынмæ, нуазыны донæй сифтонг кæнын, уæлæмхас рухсгæнæнтæ æмæ бронкалæн асыччытæ сæвæрын.
***
Бибылты Анатоли фембæлд Цхинвалы районы Уæллаг Гудзабары хъæуы цæрджытимæ.
Æруынаффæ кодтой Республикæ Хуссар Ирыстоны социалон здæхт æмæ мидæггагон политикон уавæры фарстытыл.
Президент банысан кодта, зæгъгæ, республикæйы цы программæ реализаци цæуы, уый арæзт цæуы Хуссар Ирыстоны цæрджыты домæнтæм гæсгæ æмæ уый æххæст æрцыд. Уыимæ иумæ, уый банысан кодта, зæгъгæ, фыццаджы уал, реализаци æрцыдысты приоритетон здæхтытæ.
«Мæнæн тынг æхсызгон у, цы нын бантыст саразын, уый. Фæлæ цард размæ цæуы, фæзынынц ног домæнтæ. Гæнæн ис æмæ цыдæр хаст не ‘рцыд программæмæ æмæ мæн фæнды, цæмæй сымах уæ фæндтæ зæгъат. Иугæндзонæй алцы аскъуыддзаг кæнынæн нæй гæнæн, фæлæ фæд-фæдылонæй, фадæттæ хынцгæйæ, хуыздæр кæндзыстæм цæрджыты цард», – загъта Бибылты Анатоли.
Хъæуы цæрджытæ бахатыдысты хæдзæртты раз территоритæ хæрзарæзт скæнын æмæ сын сæ хæдзæртты æмбæрзтытæ раивынæн баххуыс кæныны тыххæй.
Цæрæнуатон проблемæтæ аскъуыддзаг кæнынæн баххуыс кæнынимæ Бибылты Анатолимæ бахатыд бирæсывæллонджын мад Хуыбиаты Анжелæ. Уый радзырдта йæ цардуагон уавæртæ æмæ зындзинæдты тыххæй, кæцытыл сæмбæлд Дзауы поселочы социалон цæрæнуат райсыны фæдыл документтæ бадæттыны рæстæджы. Паддзахады сæргълæууæг бахæс кодта ацы проблемæ аскъуыддзаг кæнын.
Банысан кæнын хъæуы, республикæйы цæрджытимæ фембæлдтытæ уагъд кæй цæуынц адæммæ æмæ Хуссар Ирыстоны Парламентмæ Президенты æрвылазон ныстуанмæ бацæттæ кæныны фæлгæтты. Фембæлды нысан у Республикæ Хуссар Ирыстоны цæрджыты домæнтæ хынцгæйæ дарддæры куыст сорганизаци кæнын æмæ уыдон скъуыддзаг кæнынæн æмбæлон хæстæ радтын.
Comments are closed, but trackbacks and pingbacks are open.