Ног ахуыры азы райдианы «Русский дом» Республикæ Хуссар Ирыстоны ахуырадон уагдæттæн Уæрæсейы Федерацийы номæй балæвар кодта ахуырадон-методикон æмæ аивадон литературæ 3900 экземпляры. Чингуытæ лæвæрд æрцыдысты ведомствæйон нысанмæздæхт программæ  «Научно-методическое, методическое и кадровое обеспечение обучения русскому языку и языкам народов Российской Федерации»-йы реализацийы фæлгæтты.

Тыбылты Александры номыл ХИПУ-йы уырыссаг æвзаджы кафедрæ ног ахуыры азы студенттæ æмæ магистранттæн баххæст ахуыргæнæн чингуытæ æмæ бæрæгуатон литературæйæ. Республикæйы скъолаты библиотекæтæн ног ахуыры азы сæ бон суыдзæн ахуыргæнджытæн æмæ ахуырдзаутæн æххуысæн уырыссаг æвзагæй хæслæвæрдтимæ кæсыны чингуытæ, таблицæтæ, аивадон литературæ радтын.

Ленингоры районы Орчъосаны хъæуы скъола-сабидоны зонындзинæдты боны уыд чингуытæ радтыны церемони. Цхинвалы «Уырыссаг хæдзар»-ы сæргълæууæг Сергей Скворцов бæрæгбоны ахуырадон уагдонмæ бацæугæйæ, раарфæ кодта скъола-сабидоны коллектив, хъомылгæнинæгтæ æмæ ахуырдзаутæн ног ахуыры райдианы цытæн. Бафæндыд æй уыдонæн æнтыстытæ ахуырады процессы. Загъта сын ног зонындзинæдтæ райсыны фæндиæгтæ.

Ацы æрмæджытæ дæр бакæс:

Default ThumbnailЧи уыдзысты Ирыстоны сомбоны фæлтæр? Библиотекæтæн – ног чингуытæ Тыбылты Леонид: «Куыд Президент, афтæ æз мæ мисси уынын Уæрæсеимæ ахастытæ фидардæр æмæ рæзын кæныны» Default ThumbnailАхуыргæнæн чингуытæ дих æрцыдысты скъолатыл РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй

Comments are closed, but trackbacks and pingbacks are open.