Бæрæгбонон мадзæлттæ Стыр Уæлахизы цытæн

Куыд æрвыл аз, афтæ ацы аз дæр Хуссар Ирыстон нысан кæны Стыр Уæлахизхы бæрæгбон.

Стыр Фыдыбæстæйон хæсты советон адæмы Уæлахизы цытæн нæ республикæйы цалдæр боны дæргъы уагъд цæудзысты алыгъуызон мадзæлттæ.  3 – 4 – 5 майы республикæйы сæргълæууæг, РХИ-йы гарзджын тыхты Сæйраг командагæнæг Бибылты Анатоли бынаты бабæрæг кæндзæн Стыр Фыдыбæстæйон хæсты ветеранты, бакæндзæн сын бæрæгбонон лæвæрттæ æмæ сын сæрмагондæй раарфæ кæндзæн.

4-8 маймæ та республикæйы байгом уыдзæн быдырон пост, кæцы республикæйы алы рæттæм æрвитдзæн бæрæгбонон арфæтæ.

5 майæ 9 маймæ «Æнæмæлгæ полчы» штабы хъæппæрисæй уагъд æрцæудзæн  акцитæ «Георгиевскай лента» æмæ «Æз нæ рох кæнын! Æз сæрыстыр дæн!». 

6-æм майы киноконцертон зал «Чермен»-ы РХИ-йы Россотрудничествойы минæварады хъæппæрисæй ветерантæн ауагъдæуыдзæн бæрæгбонон концерт «Сымахæн – ветерантæ». Концерты фæстæ та Театралон фæзуаты уыдзæн «Уæлахизы бал», кæцыйы хайад райсын сæ бон уыдзæн алы кары æмæ профессийы адæймæгтæн дæр.

7 майы Анахарсисы номыл Республикон национ библиотекæйы фоейы уыдзæн сывæлæтты нывты равдыст «Дада, бузныг сабырдзинады тыххæй» æмæ киноконцертон зал «Чермен»-ы та уыдзæн Стыр Уæлахизы цытæн  Ирыстоны нывгæнджыты конд нывты равдыст «Звенят истории колокола, взывая к памяти моей!»  Уыцы бон ма кадетты корпус  аудздзæн акци «Пост №1» дæр.

 8 майы: РХИ-йы Ахуырады министрады хъæппæрисæй ауагъдæуыдзæн акци «Фыстæг 1945-мæ»;

Республикæ Хуссар Ирыстоны гарзджын тыхты Сæйраг командагæнæджы номæй Кады гирляндæ æвæрд æрцæудзæн  Стыр Фыдыбæстæйон хæсты фæмардуæвджыты цыты обелискыл;

Ауагъд ма æрцæудзæн акци «Сымахæн, Фыдыбæстæ хъахъхъæнджытæ, сымахæн – фронтовиктæ! салдатты  традицион  у уæргъулæфт Уæрæсейы Федерацийы Æдасдзинады федералон службæйы управленийæ»;

Пионерты парчы байгом уыдзæн хæстон уацхæсджыты мобилон фоторавдыст. Ацы равдыст дæр бацæттæ кодта Республикæ Хуссар Ирыстоны Россотрудничествойы минæварад.

9 майы 9 сахатыл республикæйы æппæт аргъуанты дæр фæмардуæвæг хæстонты рухс нæмттæ сарыны нысанæн  ауагъдæуыдзæн Хуыцаумæ скуывд.

11 сахатыл та Цхинвалы горнизоны æфсæддонтæ Театралон фæзуаты рацæудзысты æфсæддон парады, уыдоны фæстæ парады рацæудзæн «Æнæмæлгæ полк». Парады фæстæ Театралон фæзуаты концерт равдисдзысты республикæйы горæттæ æмæ районты сфæлдыстадон коллективтæ.

Уыцы бон ма Стыр Уæлахизы цытæн Хуссар Ирыстоны Уæрæсейы Федерацийы минæварады уыдзæн бæрæгбонон химæрайст.

Бæрæгбонон мадзæлтты фæстæ изæры 19.30 сахатыл Театралон фæзуаты уыдзæн ноджы иу концерт «Уæлахизы фæдонтæй!».

Бæрæгбонон мадзæлттæ фæуыдзысты бæрæгбонон салютæй.