Уæрæсейы Федерацийы Президенты æх-хуысгæнæг Владислав Сурковы арфæ Президент Бибылты Анатолийæн Республикæ Хуссар Ирыстоны хæдбардзинад банымайыны боныл 11 азы кæй сæххæст, уый сæраппонд.
Арфæйы, сæрмагондæй, дзырдæуы:
«Арфæ дын кæнын Республикæ Хуссар Ирыстоны хæдбардзинад Уæрæсейы Федераци куы банымадта, уыцы боныл 11 азы кæй сæххæст, уый сæраппонд! Уырны мæ, нæ бæстæты ‘хсæн æнгом, цæдисон ахастытæ регионы сабырдзинад æмæ стабилондзинады интерестæн дарддæр дæр динамикон æгъдауæй кæй рæздзысты, уый. Мæ зæрдæ зæгъы дæуæн æмæ æппæт хуссар-ирыстойнаг адæмæн сабырдзинад æмæ царды æппæт хæрзиуджытæ».
Арæнгæрон æмгуыстады фæдыл УФ-йы Президенты управленийы хистæр Алексей Филатовы арфæ Президент Бибылты Анато-лийæн.
Арфæйы, сæрмагондæй, дзырдæуы:
«Арфæ кæнын дæуæн æмæ æппæт хуссар-ирыстойнаг адæмæн, Хуссар Ирыстоны хæдбардзинад банымайыны боныл 11 азы кæй сæххæст, уый сæраппонд!
Аивгъуыйгæ азты республикæйы къухы бафтыд серьезон æнтыстытæ паддзахадон рæзты, демократон институттæ сфидар кæныны æмæ масштабон социалон-экономикон хæстæ скъуыддзаг кæныны.
Мæ зæрдæ зæгъы дæуæн æмæ Хуссар Ирыстоны æппæт æмбæстæгтæн сабырдзинад, фæрныгад æмæ дидинæфтыд».
Цæгат Кавказы хъуыддæгты фæдыл Уæрæсейы Федерацийы министр Сергей Чеботаревы арфæ Президент Бибылты Анато-лийæн.
Арфæйы, сæрмагондæй, дзырдæуы:
«Цытджын Анатоли Ильяйы фырт!
Арфæ кæнын дæуæн æмæ Хуссар Ирыстоны æппæт æмбæстæгтæн республикæйы хæдбардзинад банымайыны боны сæраппонд! Ацы бæрæгбон æвдисы хуссарирыстойнаг адæмы иу-дзинад æмæ æхсардзинад, райгуырæн зæхмæ æцæг уарзт æмæ бæстæйы фидæн хæдбарæй бæрæг кæнынмæ тырнындзинад. Дунеон барады статус райсыны бонæй фæстæмæ Республикæ Хуссар Ирыстоны къухты бафтыд стыр æнтыстытæ социалон-экономикон рæзты æмæ æмбæстæгты царды æмвæзад фæбæрзонддæр кæныны.
Мах сæрыстыр стæм, Хуссар Ирыстоны цы ивындзинæдтæ цæуы, уыдоны тыххæй. Уæрæсе алы хатт дæр уыдзæн республикæйы æфсымæрон адæмы фарсмæ, æнæмæнгхъæуæг æххуыс ын кæнгæйæ æмæ йын йæ фарсхæцынад æвдисгæйæ. Хуссар Ирыстоны æппæт цæрджытæн мæ зæрдæ зæгъы дарддæры дидинæфтыд, сабырдзинад æмæ фæрныгад!».
***
Президент Бибылты Анатолийæн ма ацы нысаниуæгджын боны сæраппонд раарфæ кодтой Приднестроваг-Молдоваг Республикæйы Президент Вадим Красносельский, Хъæрæсе-Черкессийы Республикæйы Сæргълæууæг Рашид Темрезов, Республикæ Цæгат Ирыстон-Аланийы Парламенты Сæрдар Алексей Мачнев, Дзæуджыхъæуккаг æмæ Алайнаг архиепископ Леонид, Донецкы Адæмон Республикæйы Сæргълæууæг Денис Пушилин æмæ бирæ æндæртæ.
Comments are closed, but trackbacks and pingbacks are open.