«Камаз-мастер»-ы экипаж Къарджинты Андрейы къухдариуæгадæй дыккаг бынат бацахста уæзласæн машинæты хыгъды ралли-марафон «Дакар»-ы æстæм этапы, кæцы уагъд цæуы Саудаг Аравийы. Ацы этапы уæлахиздзау дæр ссис «Камаз-мастер»-ы командæйы экипаж Дмитрий Сотниковы сæргълæудæй, кæцы Къарджинты Андрейы экипажæй финишмæ æрбацыд 3 минут æмæ 11 секунды раздæр.

ФУТБОЛ
Ногазон улæфтыты фæстæ тренировкæтæм æрæвнæлдтой футболон командæ «Алани»-йы хъазджытæ. 10 январæй 20 январмæ командæ уыдзæн Кисловодскы. Уый фæстæ ирон клуб ацæудзæн Туркмæ, цыран ын уыдзæн дыууæ цæттæгæнæн сборы – 23-æм январæй 7-æм февралмæ, æмæ 10-æм февралæй 22-æм февралмæ.
Уæ зæрдыл уын лæууын кæнæм уый, æмæ «Алани» Национ футболон къорды чемпионаты турнирон таблицæйы кæй цæуы цыппæрæм бынатыл.

***
Футболон командæ «Ференцварош»-ы спортивон директор Тамаш Хайналь банысан кодта клубы сæйраг тренер Черчесты Станиславы профессионалон миниуджытæ.
«Черчесты Станислав федта дуне, уый у интеллигентон адæймаг. Нæ тренерæн уыдзæн кусынæн хорз уавæртæ. Уый хорз зоны, футболисттæм цы хъуыдытæ ис, æмæ йæ бон у уыдоныл æндавын. Уый ма хорз у профессионалон фарстаты дæр», – загъта Тамаш Хайналь.
Черчесты Станислав «Ференцварош»-ы сæргъ слæууыд 2021 азы 20 декабры. Командæ у Венгрийы чемпионаты лидер.

ХУРИТЫ Батрадз

Ацы æрмæджытæ дæр бакæс:

Рог атлетикæ Футболон академи «Алани»-йы специалисттæ уыдысты Цхинвалы Default ThumbnailСпорт Default ThumbnailСпорт Спорт

Comments are closed, but trackbacks and pingbacks are open.