Республикæ Хуссар Ирыстоны Хицауады Сæрдар Бекъойты Геннади æмæ Уæрæсейы Федерацийы Экономикон рæзты министры хæдивæг Сергей Назаров бабæрæг кодтой Ручъы тъунелыл резервон электроадæттæн хаххы куыстытæ куыд æххæст цæуынц, уый.
Бынаты уыдон ныхас кодтой кусджытимæ æмæ базонгæ сты дарддæры арæзтадон куыстыты планимæ.
Бекъойты Геннади æмæ Сергей Назаров æвæрццаг аргъ скодтой кабель уадзыны фæдыл куыстытæн, кæцытæ фидæны иу æрцæудзысты Хуссар Ирыстоны электрон хызæгты объекттæм æмæ фадат ратдзæн электроифтонгадимæ баст проблемæтæ аскъуыдздзаг кæнынæн.
«Проектыл сразы сты республикæйы электрохæдзарадмæ резервон электроифтонгады хæххыты техникон баиуы фæдыл Бадзырды фæлгæтты. Проект домы бирæ куыст бакæнын, зын у техникон æгъдауæй, фæлæ у республикæйы æнæкъуылымпы электроифтонгадæн иууыл актуалон æмæ райсинагдæр», – банысан кодта Бекъойты Геннади.
Зæрдыл лæууын кæнæм, резервон хаххы арæзтад æххæст кæй цæуы Республикæ Хуссар Ирыстоны социалон-экономикон рæзтæн ахъазгæнæг Инвестицон програм-мæйы фæлгæтты. Объекты аргъ у 760 милуан сомы.
Ручъы тъунелыл кабель уадзыны фæдыл куыстыты фактон гуырхастытæ фæуын æмæ республикæйы электрохызæгтæм æрбаиу кæнын план цæуы 2021 азы, кæцы фæбæрзонддæр кæндзæн республикæйы æппæт энергосистемæйы фидардзинад æмæ экономондзинад.
Comments are closed, but trackbacks and pingbacks are open.