Арфæтæ – Фæсивæды боны цытæн

Зынаргъ хæлæрттæ!

Арфæ уын кæнын Фæсивæды боны цытæн!

Æвзонджы бонтæ алы адæймаджы царды æрмæст рæсугъд рæстæг нæу, фæлæ ма уый  у уды уавæр дæр. Уый у агурыны, иууыл уæндондæр плæнтты æмæ стыр ныфсыты реализаци кæныны рæстæг. Сымахмæ кæсгæйæ, мах уынæм Ирыстоны ног æнтыстытæ æмæ нæ уырны йæ æнтыстджын сомбон.

Республикæ Хуссар Ирыстоны бирæ арæзтæуы, цæмæй фæсивæдæн уа хорз переспективæтæ. Æвзонг фæсивæдыл сагъæс кæнын у нæ республикæйы социалон куыстытæй сæйрагдæртæй сæ иу. Бакуыстгонд æрцыд æмæ æххæст цæуы фæсивæдон политикæ. Уæрæх кæнынц астæуккаг, уæлдæр æмæ специалон ахуырад райсыны фадæттæ. Стыр хъусдард здæхт цæуы фæсивæды ‘хсæн æгуыстдзинад фæкъаддæр кæныны фарстмæ.

Ныфс мæ ис, Ирыстоны æвзонг цæрджытæ кæй æмбарынц, рæзгæ фæлтæры экономикон, политикон, социалон активондзинадыл баст кæй у нæ республикæйы сомбон. Æвзонг фæлтæр уыдзæн ноджы прогрессивондæр æмæ нысан-мæздæхтдæр, Хуссар Ирыстонæй сараздзæн цæрынæн æмæ улæфынæн хорз бынат.

Мæ цæст уын уарзы æнтыстытæ, æнæниздзинад, фæрныгад æмæ амонд.

Республикæ Хуссар Ирыстоны Президент Бибылты Анатоли

 

***

Зынаргъ хæлæрттæ!

Арфæ уын кæнын ирд æмæ цинхæссæг бæрæгбон  – Фæсивæды боны цытæн!

Ацы бæрæгбон хорз уымæй у, æмæ адæймагыл цас фæнды ма цæуа, уæддæр йæ бон у æмæ дзы хайад райса, уымæн æмæ зæрдæйæ ничи зæронд кæны.

Нæ республикæйы царды фæсивæдæн ахсджиаг бынат ис. Бирæ паддзахадон организацитæн къухдариуæг кæнынц æвзонг специалисттæ, кæцытæ сæхи равдыстой куыд хорз организатортæ æмæ сæ хъуыддаджы дæснытæ. Ахсджиаг у, нæ чызджытæ æмæ лæппутæ иумæйаг уæрæсейаг æмæ æхсæнадæмон олимпиадæты, сфæлдыстадон конкурсты нæ райгуырæн бæстæйы ном кæй бæрзонд кæнынц, активон æмбæстагон позици кæй ахсынц, сæ принципты æмæ хъуыдыты сæрыл кæй тох кæнынц, волонтерон змæлды хайад кæй исынц.

Курдиатджын фæсивæды разæнгард кæнынæн республикæйы нысан æрцыдысты Президентон, стæй алыгъуызон гуманитарон фондты стипендитæ.

Фæсивæд раст хъомыл кæнын у нæ бæстæйы ахсджиаг æмæ перспективондæр здæхт. Абоны бон Хицауады сæйраг фарстатæ сты рæзгæ фæлтæры курдиат æмæ арæхстдзинæдтæ райрæзын кæнынæн хорз уавæртæ æмæ сын куысты бынæттæ саразын, æвзонг специалисты куысты размæцыдæн ахъаз кæнын, æмæ фидæны та æвзонг бинонты цæрæнуатæй сифтонг кæнын.

Ацы нысаниуæгджын бæрæгбоны уын мæ цæст уарзы уæ царды фæндтæ цы сæххæст уой. Æнæниз ут! Æнтыстытæ æмæ хорз зæрдæйы уагæй хайджын ут!

Республикæ Хуссар Ирыстоны Хицауады Сæрдар Пухаты Эрик

 

***

Зынаргъ хæлæрттæ!

Арфæ уын кæнын рæсугъд сæрдыгон бæрæгбон – Фæсивæды боны цытæн!

Æвзонджы бонтæ сты царды иууыл диссаджы цымыдисондæр рæстæг, кæцы йедзаг у алыгъуызон цаутæй, уæд зондахаст  райдайы фидар кæнын, адæймагæн йæ тыхты æмæ курдиаты ныфсдзинад бацæуы, адæймаг йедзаг  вæййы энергийæ æмæ куы тырны ног зонындзинæдтæ базонынмæ.

Нæ республикæйы бирæ куыст цæуы хорз уавæртæ саразыныл, цæмæй чызджытæ æмæ лæппутæ алыварсонæй рæзой, хорз ахуырад райсой æмæ сæ профессионалон фæндагыл слæууой. Сымах , Ирыстоны æвзонг фæлтæрæны у фидæн æмæ сымахæй кæнгæ у,   цы фæндагыл акæндзыстут не ‘взонг паддзахад. Абон ахсджиаг у, цæмæй æрыгон адæймæгтæ цæттæ уой сæхи æмæ сæ республикæйы хъысмæты тыххæй бæрндзинад райсынмæ, инициативæ æвдисой æмæ бæрнджын фарстатæ скъуыддзаг кæной. Раст ахæм ныфсхаст æмæ ахуыр адæймæгтæ сты нæ бæстæйы дарддæры райрæзты гаранти.

Мæ цæст сымахæй алкæмæндæр уарзы хорз зæрдæйы ахаст, оптимизм, уæ плæнттæ цы сæххæст уой райгуырæн бæстæйы хæрзиуæгæн. Ут амондджын,  циндзинад, æнæниз, фæрнджын æмæ æнтыстытæ æфтæд уæ къухты! Фæсивæды боны хорзæх уæ уæт!

Республикæ Хуссар Ирыстон-Паддзахад Аланийы Парламенты Сæрдар Гасситы Петр

__________

 

Арфæ – гуырæн боны цытæн

Донецкы Адæмон Республикæйы Сæргълæууæг    Александр Захарченкомæ

Цытджын Александр Владимиры фырт.

Айс мын мæ зæрдиаг арфæтæ дæ гуырæн боны цытæн.

Дæ патриотизм, нысанмæ тырнындзинад æмæ разылæууæг хæстæ скъуыддзаг кæнынмæ арæхстдзинад дын скодтой стыр ном æмæ  курдиат æрмæст Донецкы Адæмон Республикæйы нæ, фæлæ ма йæ арæнтæн æдтейæ дæр.

Мах хорз зонæм, хæдбардзинады фæндаг йедзаг кæй у драматизм æмæ карз фæлварæнтæй. Нырыккон реалиты уавæрты ды Донецкы Республикæйы хъайтар адæмимæ хъахъхъæнут уæ райгуырæн бæстæйы сæрибардзинад æмæ хæдбардзинад, аразут барадон паддзахад æмæ сомбонмæ ныфсджынæй кæсут.

Республикæ Хуссар Ирыстоны дæ архайдæн стыр аргъ кæнынц, кæцы здæхт у не ‘фсымæрон адæмты ‘хсæн хæларадон ахастытæ сфидар æмæ райрæзын кæнынмæ.

Ацы нысаниуæгджын бон дын, цытджын Александр Владимиры фырт, мæ цæст уарзы сабырад, æнæниздзинад æмæ куысты ног æнтыстытæ Донецкы Адæмон Республикæйы хæрзиуæгæн.

 

Республикæ Хуссар Ирыстоны Президент Бибылты Анатоли