ЙÆ БÆРЗОНДДЗИНАД УФ-йы ПРЕЗИДЕНТ ВЛАДИМИР ВЛАДИМИРЫ ФЫРТ

ПУТИНÆН

Цытджын Владимир Владимиры фырт!

Республикæ Хуссар Ирыстоны къухдариуæгады, адæмы æмæ дæм сæрмагондæй мæхи номæй æрвитын иууыл хъармдæр арфæтæ нысаниуæгджын бæрæгбон – Уæрæсейы боны сæраппонд.

Ацы диссаджы бæрæгбон у уæрæсейаг паддзахады хæдбардзинады, национ иудзинады æмæ хъомысы символ. Стыр Уæрæсейы адæмæн сæ бон у сæ Фыдыбæстæйы кадджын бирææнусон историйæ, йæ хъæздыг æмæ культурон бынтæй сæрыстыр уæвын.

Алы ирон адæймаджы зæрдæйы дæр Уæрæсе алы хатт дæр ахсдзæн сæрмагонд бынат. Хуссар Ирыстоны стыр бузныджы æнкъарæнтимæ сæ зæрдыл дарынц, нæ республикæйæн Уæрæсейы Федераци цы стыр æххуыс кæны, уый тыххæй.

Уырны мæ, хуссарирыстойнаг-уæрæсейаг ахастытæ, кæцытæ арæзт æрцыдысты нæ адæмты ‘хсæн историон, монон бастдзинад æмæ бирææнусон хæлардзинады бындурыл, дарддæр дæр динамикон æгъдауæй кæй рæздзысты æмцæдисад сфидардæр æмæ интеграци фæарфдæр кæныны здæхты.

Цытджын Владимир Владимиры фырт, ацы бæрæгбоны дын мæ зæрдæ зæгъы фидар æнæниздзинад, амонд æмæ царды æппæт хæрзиуджытæ, æмæ Уæрæсейы æфсымæрон адæмæн та – сабырдзинад æмæ дидинæфтыд.

Республикæ Хуссар Ирыстоны

 Президент БИБЫЛТЫ Анатоли

 

 

Пухаты Эрикы арфæ Дмитри Медведевæн æмæ Уæрæсейы Федерацийы æндæр

официалон адæймæгтæн

РХИ-йы Хицауады Сæрдар Пухаты Эрик раарфæ кодта Уæрæсейы Федерацийы Хицауады Сæрдар Дмитри Медведевæн Уæрæсейы боны цытæн.

Арфæйы фыстæджы уый банысан кодта Хуссар Ирыстон æмæ Уæрæсейы хæлардзинады бирææнусон традициты нысаниуæг æмæ йæ коллегæйæн ныфс бавæрдта дарддæр дæр дыууæ бæстæйы æфсымæрдзинады фидар тæгтæ æмæ æмцæдисон æмархайд рæзын æмæ фидардæр кæнынæй.

«Бирææнусон бастдзинæдтæй, хæлардзинад æмæ æмцæдисон ахастытæй иугонд Хуссар Ирыстон æмæ Уæрæсе æнтысгæйæ реализаци кæнынц æмгуысткæнынады потенциал, кæцы бындуриуæг кæны кæрæдзийыл æууæнчы æмæ аргъ кæныны принциптыл. Хуссарирыстойнаг-уæрæсейаг ахастыты хъомысджын уæлæмхас стимул ссис йæ тыхыбацæуæг Æмцæдисад æмæ интеграцийы тыххæй бадзырд, кæцыйыл къухтæ æрфыстæуыд 2015 азы 18 марты Мæскуыйы.

Республикæ Хуссар Ирыстоны адæм Уæрæсейы фидарæй уынынц стабилон партнеры, аргъ кæнынц кæрæдзи æмбарыны æмæ æууæнчы къухыбафтгæ æмвæзадæн æмæ кæддæриддæр уыдзæн æнувыд æмæ ныфсджын хæлар Уæрæсейы Федерацийæн.

Ацы зæрдылдарæн бон дын мæ цæст уарзы фидар æнæниздзинад, сабырад, бинонты фæрныгад æмæ ног æнтыстытæ Стыр Уæрæсейы адæмы хæрзиуæгæн», – дзырдæуы арфæйы фыстæджы.

Хуссар Ирыстоны Хицауады Сæрдары номæй ма арфæйы телтæ æрвыст æрцыдысты Уæрæсейы Федерацийы Хицауады Сæрдары хæдивæг Алек-сандр Хлопонины, Уæрæсейы Федерацийы Хицауады Сæрдары æххуысгæнæг Владислав Сурковы, РЦИ-Аланийы Хицауады Сæрдар Тускаты Таймуразы, Цæгат Кавказы хъуыддæгты фæдыл УФ-йы министр Лев Кузнецовы æмæ ХПÆ-йы паддзахадтæ-хайадисджытæ, Абхаз æмæ Хуссар Ирыстонимæ социалон-экономикон æмгуысткæнынады фæдыл УФ-йы Президенты Управленийы хистæр Олег Говоруны адрестыл.

* * *

Зынаргъ æмбæстæгтæ!

12 июны Уæрæсейы Федерацийы бирæнацион адæм нысан кæнынц сæ сæйраг паддзахадон бæрæгбон – Уæрæсейы бон. Арæх æй фæхонынц Уæрæсейы хæдбардзинады бон, уымæн æмæ 1992 азы 12 июны Уæрæсейы Советон Федеративон Социалистон Республикæйы адæмон депутатты фыццаг съезды райст æрцыд УСФСР паддзахадон суверенитеты тыххæй Деклараци. Уымæй дыууæ къуыри раздæр Республикæ Хуссар Ирыстоны хæдбардзинад расидыны тыххæй Акт райст кæй æрцыд, уый æз нымайын символиконыл.

1992 азы 12 июны райстæрцæуæг Деклараци нымад цæуы Уæрæсейы паддзахаддзинады рæзты ног этапы райдианыл, кæцыйы бындур æвæрд æрцыдысты федерацийы субъектты конституцион принциптæ, æмбар æмæ партнерондзинад, закъоны уæлиондзинад æмæ демократи, адæймаджы бартæ æмæ сæрибардзинад хъахъхъæнын.

Æнусты æрфæнæй сæ сæр сдард-той ирон æмæ уæрæсейаг адæмты ‘хсæн хæлардзинад æмæ æфсымæрдзинады фидар бастдзинæдтæ. Уыдон бафæрæзтой рæстæджы фæлварæн-тæн, нырыккон дуджы политикон реалиты раив-баивы уавæрты конкретон практикон мидисæй дзаг кæнгæйæ. Ирон адæм æнæфæиппæрдæй цæуынц, дард 1774 азы сæ куырыхон фыдæлтæ сæ дарддæры рæзты Уæрæсеимæ иумæ сбæрæг кæнгæйæ, цы фæндаг равзæрстой, ууыл.

Хуссар Ирыстонæн Уæрæсе уыдис æмæ дарддæр дæр уыдзæн йе стратегион партнер.

Нæ бæстæйы цæрджытæн сæ фыл-дæр сты Уæрæсейы Федерацийы æмбæстæгтæ. Уыдон Уæрæсейы бон нымайынц сæхи бæрæгбоныл. Ацы нысаниуæгджын бон Республикæ Хуссар Ирыстоны территорийыл бæрæгбонæй банымайын юридиконæй фидар æрцыд РХИ-йы Президенты барамындæй.

Бæрæгбоны хорзæх уæ уæнт, зынаргъ хæлæрттæ!

Æгас цæуæд Уæрæсе æмæ Хуссар Ирыстоны адæмты ‘хсæн æнæфехалгæ хæлардзинад!

Республикæ Хуссар Ирыстоны

Президент БИБЫЛТЫ Анатоли

 

 

Цытджын æмбæстæгтæ!

Зæрдиагæй уын арфæ кæнын Уæрæсейы боны цытæн!

Ацы бæрæгбон æрмæст сноггонд Уæрæсе нæ нысан кæны, цыран 27 азы размæ райдыдтой демократон æмæ экономикон рацарæзтытæ, фæлæ ма у, æппæтдунеон цивилизацимæ стыр хайбавæрд чи бахаста, уыцы Уæрæсейы паддзахады бирææнусон историон фæндаг.

Хуссар Ирыстоны хъысмæты Уæрæсейы Федерацийæн стыр роль ис. Республикæйы сабырадон цард аразыны фадат ратгæйæ, уый ссис сабырдзинад æмæ æдасдзинады гарант. Республикæйы цæрджытæ, кæцыты фылдæр хай сты Уæрæсейы æмбæстæгтæ, уæрæсейаг адæммæ дарынц  стыр цыты æмæ бузныджы ахаст. Нæ дыууæ адæмты иу кæнынц бирææнусон хæлардзинады тæгтæ, кæцытæ арæзт æрцыдысты монон æмæ культурон æввахсдзинады бындуртыл. Уыцы тæгтæ дæр бонæй бонмæ фидарæй фидардæр кæнынц.

Уæрæсейæгтæн ахсджиаг бæрæг-бон иууыл нысаниуæгджындæр бæрæг-бонты къæлиндары æрцахста йæ бынат æрмæст Хуссар Ирыстоны нæ, фæлæ æндæр бæстæты дæр, кæцытæ сты Уæрæсейы цæдисонтæ æмæ партнертæ.

Зынаргъ хæлæрттæ!

Ацы нысаниуæгджын бон мын бар радтут, раарфæ уын кæнон бæрæгбоны цытæн æмæ уын зæгъон бинонты хæр-зиуæджы фæндиæгтæ!

Уæ куысты уын уæд сабырдзинад, хæрзиуджытæ, хъæлдзæгдзинад æмæ æнтыстытæ!

Республикæ Хуссар Ирыстоны Хицауады Сæрдар Пухаты Эрик

 

 

 

УÆРÆСЕЙЫ ФЕДЕРАЦИЙЫ ПАДДЗАХАДОН ДУМÆЙЫ

СÆРДАР ВЯЧЕСЛАВ ВОЛОДИНÆН

Цытджын Вячеслав Викторы фырт!

Республикæ Хуссар Ирыстоны Парламенты æмæ дын мæхи номæй æрви-тын иууыл хъармдæр арфæтæ национ бæрæгбон – Уæрæсейы Боны цытæн!

Уæрæсейы бон у хицæн бæрæгбон. Уый у Уæрæсейы бирæнацион адæмы иудзинады символ, сæрибардзинад æмæ демократи, патриотизм æмæ рæстдзинады æргъадты æвдисæг.

Абон Уæрæсейы Федераци æмæ Республикæ Хуссар Ирыстоны бæттынц æнгом партнерон æмæ стратегион ахастытæ. Нæ бæстæты закъондæттынадон органты ‘хсæн æмгуыстад динамикон æгъдауæй рæзы æмæ фидардæр кæны.

Вячеслав Викторы фырт, зæрдæбынæй дын мæ зæрдæ зæгъы фидар æнæниздзинад, амонд, æнтыстытæ дæ разылæууæг хæстæ скъуыддзаг кæныны, æмæ æфсымæрон уæрæсейаг адæмæн та – сабырдзинад æмæ дидинæфтыд.

Республикæ Хуссар Ирыстоны

Парламенты Сæрдар 

ГАССИТЫ Петр

 

 

УФ-йы ФЕДЕРАЛОН ÆМБЫРДЫ ФЕДЕРАЦИЙЫ СОВЕТЫ СÆРДАР ВАЛЕНТИНА МАТВИЕНКОЙÆН

Цытджын Валентина Иваны чызг!

Бар мын ратт  æмæ дын Республикæ Хуссар Ирыстоны Парламенты æмæ мæхи номæй раарфæ кæнон паддзахадон бæрæгбон – Уæрæсейы Боны цытæн.

1990 азы райсгæ Уæрæсейы паддзахадон суверенитеты Деклараци у фæлтæрты монон, хæрзæгъдаудзинады æмæ культурон бастдзинæдты, бирææнусон историйæн кад кæныны символ.

Республикæ Хуссар Ирыстоны æмæ Уæрæсейы Федерацийы бæттынц хæлардзинады бирæазон æмæ стратегион партнерондзинады бастдзинæдтæ. Мæн уырны æмæ уыцы бастдзинæдтæ дарддæр дæр кæй рæздзысты æмæ фидардæр кæндзысты, уый.

Цытджын Валентина Иваны чызг, мæ зæрдæ дын зæгъы æнæниздзинад, царды æппæт хæрзиуджытæ, æвидигæ энерги, ног æнтыстытæ дæ куысты Уæрæсейы æмæ йæ адæмы фæрныгадæн.

Республикæ Хуссар Ирыстоны

Парламенты Сæрдар

ГАССИТЫ Петр

 

 

ЙÆ БÆРЗОНДДЗИНАД РЕСПУБЛИКÆ ХУССАР ИРЫСТОНЫ УÆРÆСЕЙЫ ФЕДЕРАЦИЙЫ УÆЛВÆТКОН ÆМÆ ÆХХÆСТБАРДЖЫН МИНÆВАР МАРАТ КУЛАХМЕТОВÆН

Цытджын Марат Минюры фырт!

Кæй дын кад кæнын, уый æвдисгæ-йæ дæм Республикæ Хуссар Ирыстоны Парламенты æмæ мæхи номæй æрвитын арфæтæ Уæрæсейы Боны  сæраппонд.

Уæрæсейы Бон у сæйраг паддзахадон бæрæгбонтæй иу, кæцыйæн йæ бындур у историон цау – паддзахадон суверенитеты тыххæй Декларацийы райст. Паддзахадон арæзты æмæ рæзты вазыгджын фæндагыл рацæугæйæ, уæрæсейаг паддзахадæн йæ бон сси бирæ зындзинæдты сæрты ахизын æмæ ахсджиаг нысæнттæ къухты бафтын кæнын.

Абон Уæрæсе у тыхджын дидинæфтаугæ бирæнацион паддзахад, кæцы дунеон аренæйыл тох кæны национ интерестыл, дунеон процесстæм сæрмагонд æндæвдад тыхджындæр кæнгæйæ.

Хæлардзинад æмæ æфсымæрдзи-нады æнусон тæгтæй сфидаргонд уæрæсейаг-хуссарирыстойнаг ахастытæн бындур æвæрд æрцыд кæрæдзийыл æууæндын æмæ кад кæныны.

Цытджын Марат Минюры фырт, ацы нысаниуæгджын боны дын мæ зæрдæ зæгъы фидар æнæниздзинад, Стыр Уæрæсейы фæрныгадæн ног æнтыстытæ æмæ пълæнттæ сæххæст кæнын.

Республикæ Хуссар

Ирыстоны Парламенты Сæрдар 

ГАССИТЫ Петр

Comments are closed, but trackbacks and pingbacks are open.