Цытджын æмбæстæгтæ! Зынаргъ хæлæрттæ!
Арфæ уын кæнын паддзахадон бæрæгбон – Республикæ Хуссар Ирыстоны Конституцийы боны цытæн!
Ацы документ у паддзахады сæйраг атрибут – РХИ-йы адæмы ахадындзинады æмæ цыты сомвол. Уым бæрæг æрцыдысты паддзахаддзинады принциптæ, кæцыты иууыл бæрзонддæр аргъ ис æмбæстагæн, йæ бартæ æмæ интерестæн.
Республикæ Хуссар Ирыстоны Конституци у паддзахадон арæзтады барадон бындур æмæ ахсджиаг экономикон æмæ социалон хæслæвæрдтæ скъуыддзаг кæныны, æмбæстæгты аккаг царды уавæртæй сифтонг кæныны фидар ориентир.
Махæй алкæйы дæр фæнды йæ Райгуырæн бæстæйы дидинкалгæ æмæ тыхджынæй фенын, ныфсджынæй сомбонмæ кæсын. Ацы нысан биноныг æрцæудзæн, махæй алчи дæр куы тырна Республикæ Хуссар Ирыстоны Конституцийы сæйраг уагæвæрдтæ æххæст кæныны тыххæй йæ зонындзинæдтæй спайда кæнынмæ, уæд.
Уырны мæ, ацы бæрæгбон уыдзæн дидинæфтауæг паддзахады символ, нæ республикæйы æмбæстæгты æдасдзинад, бартæ æмæ сæрибардзинæдты æнæфæцудгæ гарант.
Зынаргъ æмбæстæгтæ, ацы ахсджиаг бон уын мæ зæрдæ зæгъы æнæниздзинад, амонд, хæрзиуджытæ, сабырад æмæ æнтыстытæ райгуырæн Ирыстоны хæрзæбонæн.
Республикæ Хуссар Ирыстоны Президент Бибылты Анатоли
***
Цытджын æмбæстæгтæ!
Республикæ Хуссар Ирыстоны Хицауады æмæ сæрмагондæй мæхи номæй уын арфæ кæнын нæ паддзахады ахсджиагдæр бæрæгбонтæй сæ иу – Республикæ Хуссар Ирыстоны Конституцийы боны цытæн!
2001 азы 8 апрелы Хуссар Ирыстоны адæм сæ равзæрст сарæзтой демократийы пайдайæн. Сбæрæг кодтой нæ республикæйы стратегион райрæзты фæндаг.
Нæ паддзахиуæгад сфидар кæныны хъуыддаджы Конституцийы райстæн уыд иттæг стыр нысаниуæг, уый сифтонг кодта æмбæстагон æмæ экономикон сæрибардзинæдтæ.
Алы æмбæстагæн дæр Конституци ссис барты æмæ сæрибардзинæдты гарант, ног фадæттæ байгом кодта хисæрмагонд хъæппæристæ, хæдархайд æмæ сфæлдыстад реализаци кæнынæн.
Нæ иумæйаг хæс ис уый мидæг, цæмæй дзы цы иумæйагнацион интерестæ æмæ æргъадтæ æвæрд æрцыд, уыдон бахъахъхъæнæм, уыдоны бындурыл стабилон, барадон, демократон паддзахад саразæм.
Уадз æмæ ацы нысаниуæгджын бæрæгбон фæфылдæр уæт нæ сомбоныл æууæндыны ныфс æмæ суæт фæрныг фидæны символ.
Мæ цæст уын уарзы алы хъуыддаджыдæр ног æнтыстытæ, сабырад æмæ æмуддзинад.
Республикæ Хуссар Ирыстоны Хицауады Сæрдар Пухаты Эрик
***
Цытджын æмбæстæгтæ!
Арфæ уын кæнын нæ паддзахадон бæрæгбонты ахсджиагдæртæй сæ иу – Республикæ Хуссар Ирыстоны Конституцийы боны цытæн!
Бæстæйы сæйраг закъон фидар кæны æмбæстаджы демократон бартæ æмæ сæрибардзинæдтæ, æмбарад, социалон уавæр æмæ равзæрдмæ нæ кæсгæйæ, бæрæг кæны республикæйы дарддæры райрæзты стратеги. Нæ иумæйаг хæс у, цæмæй не ‘взонг республикæйы уынæм дидинæфтаугæйæ, рæзгæйæ, фæрныг æмæ хæрзвадат царды уавæртæ, фидар экононмикæ, сæудæджерад æмæ хъæууон хæдзарад кæм уа. Социалон-экономикон политикæйы уымæ хъуамæ уой здæхт нæ тыхтæ. Дарддæры райрæзты, стабилондзинад æмæ барвæтк сфидар кæныны сæйраг гарант у Конституци – бæстæйы Сæйраг Закъон.
Зынаргъ æмбæстæгтæ! Арфæ уын кæнын ацы нысаниуæгджын боны цытæн, мæ цæст уын уарзы фидар æнæниздзинад, фæрныгад æмæ æнтыстытæ нæ Ирыстоны хæрзиуæгæн.
Республикæ Хуссар Ирыстон-Паддзахад Аланийы Парламенты Сæрдар Гасситы Петр
***
РХИ-йы Конституцийы боны цытæн Республикæ Хуссар Ирыстоны Президент Бибылты Анатолийы номыл арфæйы фыстæджытæ æрæрвыстой Уæрæсейы Федерацийы Президенты æххуысгæнæг Владислав Сурков, Луганскы Адæмон Республикæйы Сæргълæууæджы хæстæ æххæстгæнæг Леонид Пасечник æмæ Приднестроваг Молдаваг Республикæйы Президент Вадим Красносельский.
_____________________________________________________
АРФÆ ГУЫРÆН БОНЫ ЦЫТÆН
Уæрæсейы Федерацийы Федералон Æмбырды
Федерацион Советы Сæрдар Валентина Матвиенкойæн
Стыр цытимæ дын Республикæ Хуссар Ирыстоны Парламенты æмæ сæрмагондæй мæхи номæй арфæ кæнын дæ гуырæн боны цæтæн!
Дзырддзæугæ политик, арæхстджын æмæ фæлтæрд организатор уæвгæйæ, ды æппæт дæ тыхтæ, зонындзинæдтæ æмæ гуырцæй рахæсгæ уды хъарм лæвар кæныс æхсæнадæмон аренæйы Уæрæсейы авторитет сфидар кæнынæн, бæстæйы демократи æмæ парламентаризмы дарддæры рæзтæн, бирæнацион уæрæсейаг адæмы царды æмвæзад æмæ фæрныгад бæрзонддæр кæнынæн.
Хуссар Ирыстоны дæ зонынц, куыд фæлтæрд политик æмæ стыр аргъ кæнынц Республикæ Хуссар Ирыстоны æмæ Уæрæсейы ‘хсæн алывасрон ахастытæ райрæзын кæнынмæ цы хайбавæрд хæссыс, уымæн.
Ацы нысаниуæгджын боны дын, цытджын Валентина Иваны чызг, мæ цæст уарзы сабырад, хорздзинад, стабилондзинад æмæ ног æнтыстытæ Уæрæсейы æмæ йæ адæмы хæрзиуæгæн.
Республикæ Хуссар Ирыстон-Паддзахад Аланийы
Парламенты Сæрдар Гасситы Петр
Comments are closed, but trackbacks and pingbacks are open.