Республикæ Хуссар Ирыстоны Мидхъуыддæгты министрады Фæндагон змæлды æдасдзинады паддзахадон инспекцийы управленийы цытджын кусджытæ!
Зынаргъ ветерантæ!
Айсут мæ зæрдиаг арфæтæ профессионалон бæрæгбон – Республикæ Хуссар Ирыстоны Мидхъуыддæгты министрады Фæндагон змæлды æдасдзинады паддзахадон управленийы сырæзты боны цытæн!
Бирæ азты дæргъы сымах хъахъхъæнут республикæйы фæндæгтыл æдасдзинад. Уæ æхсардзинад, профессионализм, хæссы æнувыддзинад уын кæнынц æмбæлон кад. Сымах уæ посты лæуут алыхуызон боныхъæды æмæ суткæйы алы рæстæджы, сæмбæлут алыхуызон уавæртимæ, кæцытæ домынц хъæддыхдзинад æмæ зæрдæфидардзинад. Ныры рæстæджы ав-томобилты нымæц æрвылбон дæр кæй фылдæр кæны æмæ ноджы интенсивондæр куы кæны фæндæгтыл змæлд, фæндагон-транспортон цауты травмæтæ куы исынц æмæ дзы куы æрцæуы уды зиæнттæ дæр æмæ Паддзахадон автоинспекцийы инспекторы службæйæ зындæр куыстыл ахъуыды кæнын зын у.
Ацы азы фыццаг æмбис сымахæн уыд иууыл зындæр. Зын санитарон-эпидемиологон уавæрмæ нæ кæсгæйæ, фæндагон змæлды æдасдзинады инспекцийы паддзахадон управленийы кусджытæ се службæ æххæст кодтой æмæ скъуыддзаг кодтой ног фарстытæ, кæцытæ баст сты коронавирусон инфекци ма апарахат кæнынимæ. Уыцы куыстæй сымах фыццаджыдæр æххуыс кодтат дохтыртæн æмæ тæссаг низæй хъахъ-хъæдтат мингай адæймæгты.
Фæнды мæ бузныджы ныхæстæ зæгъын уæ службæ, хæс æмæ бæрндзинадмæ æн-къарыны тыххæй, кæцы у Хуссар Ирыстоны стыр æмæ чысыл фæндæгтыл æнцойдзинады бындур.
Ацы бæрæгбоны уын мæ цæст уарзы, амонд, фидар æнæниздзинад, бинонты фæрныгад æмæ æнтыстытæ уæ службæйы Фыдыбæстæйы хæрзиуæгæн!
Республикæ Хуссар Ирыстоны
Президент Бибылты Анатоли
Comments are closed, but trackbacks and pingbacks are open.