Республикæ Хуссар Ирыстоны Президент Бибылты Анатоли раарфæ кодта газет «Слово»-йы сæйраг редактор Альбина Олисаевайæн газеты фыццаг номы рацыдыл 100 азы сæххæсты цытæн.
Арфæйы телы дзырдæуы:
«Цытджын Альбина Хъазбеджы чызг!
Арфæ кæнын дæуæн æмæ Цæгат Ирыстоны Республикон фæсивæдон гаезт «Слово»-йы æппæт редакцийæн газеты фыццаг номыр мыхуыры рауадзыныл 100 азы сæххæсты цытæн.
Газет «Слово»-йы аккаг истори хъæздыг у ирд цаутæ æмæ нæмттæй. Информацийы сæйраг гуырæн суæвгæйæ, газетæн ис стыр кад æмæ авторитет уæрæх аудиторийы ‘хсæн, райста егъау профессионалон потенциалмæ æмæ бæрзонд журналистон культурæ.
Зын у фенын цæгатирыстойнаг информацион тыгъдад æнæ ахæм æнæординарон газетæй. «Слово» дæтты æрцæугæ цаутæн арф анализ, фæд-фæдылонæй хъахъхъæны нæ адæмы историон хæзнатæ æмæ дзуры ахæм адæймæгты тыххæй, кæцытæ дывæр кæнынц Ирыстоны кад. Æхсызгон мын у, абон газеты коллектив кæй рæзы æмæ кæй хуыздæр кæны фыдыбæстæйон журналистикæйы хуыздæр традицитæ, æнæфæивгæйæ йæхимæ здахы кæсджыты.
Ныфс мæ ис, уæ газет дарддæр дæр æнтыстджынæй кæй рæздзæн.
Ацы нысаниуæгджын боны мæ цæст уарзы газет «Слово»-йы æппæт коллективæн цымыдисджын æмæ ирд куыстытæ, зæрдылдаргæ журналистон æрмæджытæ æмæ æвидийгæ сфæлдыстадон фантази, дарддæры æнтыстытæ, бæрзонд рейтинг æмæ тираж, кæсджыты уарзондзинад æмæ æнувыддзинад, æнæниздзинад æмæ фæрныгад!
Comments are closed, but trackbacks and pingbacks are open.