А р ф æ т æ

Президент Бибылты Анатоли раарфæ кодта Республикæ Беларусы Президент Александр Лукашенкойæн Республикæ Беларусы хæдбардзинады боны цытæн.

Арфæйы телы дзырдæуы:

«Республикæ Хуссар Ирыстоны адæм æмæ дын сæрмагондæй мæхи номæй зæрдиаг арфæ кæнын дæуæн æмæ æппæт беларусаг адæмæн Хæдбардзинады боны цытæн.

3 июль у ахсджиаг бон Беларусы историйы. Республикæ Беларусы столицæ немыцаг-фашистон фыдгæнджытæй ссæрибар кæнын ссис ахсджиагдæр уæлахизтæй сæ иу Стыр Фыдыбæстæйон хæсты. Беларусаг адæм сæ райгуырæн зæххы фидæн бахъахъхъæдтой сæ фырттæ æмæ чызджыты милуангай цардтæй.

Бæстæйы сæйраг бæрæгбон æвдисæн у беларусæгты сæрибардзинадыл тох кæныны истори, райгуырæн зæххыл цæрыны бар. Хæдбардзинады бон у йæ бæстæ зынаргъ кæмæн у æмæ сæрыстыр чи у, æппæт уыдоны, йæ дидинæфтыды тыххæй куысыны фæндон, райгуырæн зæхмæ, бинонтæм æмæ æввахс хиуæттæм уарзондзинад кæмæ ис.

Дæ къухдариуæгадæй, Белаурсы цы политикæ æххæст цæуы, уый аразы фидар бындур бæстæйы дарддæры рæзтæн, афтæ ма гом кæны уæрæх фадæттæ Республикæ Хуссар Ирыстон æмæ Республикæ Беларусы ‘хсæн æнтыстджын æмгуыстадæн.

Ацы нысаниуæгджын бæрæгбоны уын мæ цæст уарзы фидар æнæниздзинад, æнтыстытæ, Республикæ Беларусы æппæт адæмæн та сабырад, хорздзинад, дидинæфтыд, ног горизонттæ æмæ перспективæтæ.

 

***

Республикæ Хуссар Ирыстоны Мидхъуыддæгты министрады фæндагон змæлды æдасдзинады паддзахадон инспекцийы цытджын кусджытæ !

Зæрдиаг арфæ уын кæнын Республикæ Хуссар Ирыстоны Мидхъуыддæгты министрады фæндагон змæлды æдасдзинады паддзахадон инспекцийы боны цытæн!

Ныр 85 азы сымах лæуут посты цыфæнды боныгъæды, сæмбæлут алыгъуызон уавæртыл, кæцытæ домынц хъæддыхдзинад. Сымахыл баст у Хуссар Ирыстоны фæндагон змæлды æдасдзинад, цард æмæ адæмы æнæниздзинад фæндæгтыл. Службæйы уæвынады азты дæргъы бирæ ивындзинæдтæ æрцыд: фæфылдæр ис автомобилон змæд, райдыдтой тагъд скъæрын, фæлæ сымах уæддæр стут æцæг бæрнджын профессионалтæ, кæцытæн сæ бон у цыфæнды æнæштатон уавæр дæр аскъуыддзаг кæнын. Уæ хъайтардзинад, профессионализм, хæсыл æнувыддзинад æвзарын кæны кадкæнынад.

Ацы бон уæлдай бузныджы ныхæстæ зæгъын ветерантæн, кæцытæ æнæвгъауæй лæвар кæнынц сæ хъæздыг царды æмæ профессионалон фæлтæрддзинад æвзонг фæлтæрæн. Уыдон цы æхсардзинады, хæсмæ æнувыддзинады, цæсгомдзинады æмæ принципиалондзинады традицитæн бындур æрæвæрдтой, уый Фæндагон змæлды æдасдзинады паддзахадон инспекцийы ныры кусджытæ сæ кадимæ æххæст кæнынц.

Бузныджы ныхæстæ зæгъын уе службæ, хæсы æмæ бæрндзинад æнкъарыны тыххæй, кæцы ссис Хуссар Ирыстоны фæндæгтыл сабырдзинады бындур. Ацы нысаниуæгджын боны æппæт сæрмагонд скондæн мæ цæст уарзы амонд, фидар æнæниздзинад, бинонты фæрныгад, æнтыстытæ, сæйраг хæстæ æххæст кæнын фæндæгты æдасдзинад ифтонг-кæныны, фæндагон-транспортон цаутæ фæкъаддæр кæныны фæдыл.

Республикæ  хуссар Ирыстоны Президент Бибылты Анатоли

 

***

 

Республикæ Хуссар Ирыстоны Фæсарæйнаг хъуыддæгты министр Медойты Димитр  арфæйы фыстæг арвыста Боливариаг Республикæ Венесуэлæйы Фæсарæйнаг хъуыддæгты министр Хорхе Альберто Арреаса Монсерратмæ Болливариаг Республикæ Венесуэлæйы  Хæдбардзинады боны сæраппонд.

Арфæйы фыстæжы, сæрмагондæй, дзырдæуы:

210 азы размæ Венесуэлæйы хъæбатыр адæм райстой историон уынаффæ, кæцы ссис, дæргъвæтин рæстæджы кæмæ æнхъæлмæ кастысты, уыцы сæрибардзинады, националон иудзинады æмæ рæстдзинады символ. Хæдбардзинады Декларацийыл къухты æрфыст ссис Венесуэлæйы закъондæттынады рæзты фидар бындур, кæцы гаранти дæтты бæстæйы фæдфæдылон æмæ динамикон размæцыдæн паддзахадон арæзтады æппæт здæхтыты дæр.

Фидарæй мæ уырны, Венесуэлæйы адæмы иудзинад æмæ æнгомдзинад, сабырады æмæ разыдзинады, хæларсыхагон æмæ хæларадон традицитыл хæст  адæм  дарддæр дæр ахъаз кæй уыдзысты Венесуэлæйы  алыварсон рæзтæн æмæ дидинæфтыдæн. Цхинвал æмæ Каракасы ‘хсæн цы æмцæдисон  ахастытæ сырæзт, уыдон та фидар æмæ уæрæх кæндзысты дыууæфарсон æмкуысткæнынады алы фадыджы дæр.