Цытджын энергетиктæ! Зынаргъ хæлæрттæ! Арфæ уын кæнын уæ профессионалон бæрæгбон – Энергетикы боны цытæн!
Зын саргъгæнæн у Хуссар Ирыстоны экономикæйы рæзты электроэнергетикон комплексы нысаниуæгæн. Энергетикты æрвылбонон æнувыд æмæ лæмбынæг куысты фæрцы цæрджытæ ифтонг цæуынц электроэнергийæ, æнæрлæугæйæ кусынц куыстуæттæ. Энергетикон фадыджы æнтыстджын куыст æмæ йæ эффективон рæзтыл баст у цæрæнуатон-коммуналон хæдзарады уæвынад æмæ, кæй зæгъын æй хъæуы, æмбæстæгты социалон фæрныгад.
Бузныджы ныхæстæ уын зæгъын хъайтардзинады тыххæй, кæцы æвдыст æрцыд куысты экстремалон уавæрты, равзаргæ профессийыл уæ æнувыддзинады тыххæй.
Уæлдай бузныджы ныхæстæ мæ фæнды зæгъын æппæт энергетиктæн, кæцытæ куыстой резервон электроадæттæн хаххы арæзтадыл зын, хæххон уавæрты. Сымах фæрцы скъуыддзаг æрцыд электроэнергийы къуыхцыты проблемæ, кæцы æвзæрста Республикæ Хуссар Ирыстон зымæджы æвзæр боныгъæдты рæстæджы. Уæрæсейаг энергетиктимæ сымах цы куыст бакодтат, уымæн хъæуы кад кæнын.
Ныфс мæ ис, цæсгомджын куыст æмæ хъуыддагмæ бæрнджын ахаст нæ энергетиктæн фадат кæй ратдзæн дарддæр дæр æппæт плæнттæ царды æнтыстджынæй гуырын кæнын æмæ нæ Республикæйы æппæт æмбæстæгты электронон æмæ хъæрмады энергийæ сифтонг кæнынæн.
Зынаргъ хæлæрттæ! Уадз æмæ уæ куысты къаддæр уой æнæнхъæлæджы цаутæ, аваритæ, æмæ уæ къухты цы объекттæ ис, уыдон кусой фидарæй.
Ацы нысаниуæгджын бон уын мæ цæст уарзы фидар æнæниздзинад, фæрныгад. Уадз æмæ уын куыст хæсса æхцондзинад æмæ энерги!
Республикæ Хуссар Ирыстоны
Президент БИБЫЛТЫ Анатоли
Comments are closed, but trackbacks and pingbacks are open.