Зынаргъ æмбæстæгтæ!

Арфæ уын кæнын паддзахадон бæрæгбон – Республикæ Хуссар Ирыстоны Конституцийы боны цытæн!

Сæйраг закъон, кæцымæ  гæсгæ абоны бон цæры Республикæ Хуссар Ирыстон, ист æрцыд 18 азы размæ æппæтадæмон хъæлæсæппæрсты фæрцы. Уыцы æмгъуыдмæ нæ бæстæ сфидар кодта йæ паддзахиуæгад, бахъахъхъæдта йæ хæдбардзинад, хуыздæр кодтой разамынады механизмтæ, рæзын кодта республи-кæйы экономикон æмæ социалон уавæр, æмæ иумæйагæй куыста алы æмбæстаджы цард фæхуыздæр кæныныл. Растдæр РХИ-йы æмбæстаг, йæ бартæ æмæ йæ сæрибардзинæдтæ РХИ-йы Конституцийы бæлвырд цæуынц, куыд иууыл стырдæр хæзна, афтæ.

Цытджын æмбæстæгтæ!

Паддзахадон бæрæгбон – Конституцийы бон нын нæ зæрдыл лæууын кæны Республикæ Хуссар Ирыстоны раз нæ бæрндзинад. Фыццаджыдæр, уый у паддзахады службæйы чи ис, уыдоны бæрндзинад, фæлæ кæйдæриддæр фæнды йæ республикæ уына дидин æфтаугæ, тыхджын æмæ перспективонæй, уый хъуамæ хъуыды кæна, мах хицæн æмбæстæгтæ кæй не стæм, фæлæ Хуссар Ирыстоны адæм, æмæ æрмæстдæр иумæ махæн нæ бон кæй суыдзæн, Конституцийы цы принциптæ фыст ис, уыдон сифтонг кæнын.

Ацы нысаниуæгджын боны уын мæ цæст уарзы фæрныгад, сабырад, сомбоны ныфс. Уадз æмæ дидин æфтауа Республикæ Хуссар Ирыстон!

Республикæ Хуссар Ирыстоны

Президент  Бибылты Анатоли

***

Цытджын æмбæстæгтæ!

РХИ-йы Хицауады номæй зæрдиаг арфæ кæнын РХИ-йы æмбæстæгтæн Конституцийы боны цытæн!

8 апрель ссис ахсджиаг бон РХИ-йы ног историйы. 2001 азы ацы боны райстæрцæуæг Сæйраг закъон фадат радта нæ паддзахадæн йæ зын рæстæджы суверенон паддзахады цæрыны тыххæй  йæ историон бар сфидар кæнын,  бахъахъхъæнын æмæ райрæзын кæнын йæ уникалон культурæ,  демократон æхсæнад саразын.

Конституцийыл бындуриуæг кæнгæйæ, республикæйы Хицауад уадзы социалон-экономикон хъомысад рауæрæхдæр кæнын, перс-пективон фадыгтæ сфидар кæнын, адæмы фæрныгад фæхуыздæр кæныны политикæ. Æнæниздзинад хъахъхъæнын, ахуырад, зонад, цæрæнуатон арæзтады фадыг æмæ траснпортон-фæндагон хæдзарады модернизаци ифтонг кæны бæстæйы алы цæрæджы дæр хуыздæр царды гъæдæй.

Ахсджиаг у, Конституци цы хæзнатæ сбæрæг кодта, уыдон ба-хъахъхъæнын æмæ зæрдыл дарын, Республикæйы фæрныгад баст кæй у нæ иумæйаг тыхтæй эффективон экономикæ саразын, демократон институттæ сфидар кæнын, хицауады органты продуктивон архайдыл.

Ныфс мæ ис, Сæйраг закъоны цардаразæг хъомысад фæд-фæдылонæй æххæст кæнгæйæ, махæн нæ бон кæй суыдзæн цард аккагдæр саразын, Республикæ Хуссар Ирыстон та – зæрдæмæдзæугæдæр скæнын.

Мæ цæст уын уарзы, мæ зынаргъ æмбæстæгтæ, фидар æнæниздзинад, фæрныгад, сомбоны ныфс æмæ ног æнтыстытæ нæ Фыдыбæстæйы хæрзиуæгæн!

                          Республикæ Хуссар Ирыстоны

                          Хицауады Сæрдар  Пухаты Эрик

***

Зынаргъ æмбæстæгтæ!

Арфæ уын кæнын 2001 азы райст РХИ-йы Конституци – бæстæйы Сæрйаг закъоныл 18 азы сæххæсты цытæн, кæцы расидт суверенитетыл, хæдбар политикон, экономикон æмæ культурон цардархайдыл нæ адæмы бар, сбæрæг кодта нæ хæдбараддзинады æмæ рæзты фæндаг равзарыны бар. Бæстæйы Конституцийы фыст паддзахадон арæзтады бындуртæй царды спайда кæнын, æмбæстæгты бартæ æмæ сæрибардзинæдтæ бахъахъхъæнын сты нæ адæмы æмæ нæ республикæйы къухдариуæгады сæйраг аудинаг, кæцыйæн сæххæстгæнæн ис хицауады æппæт къабазты æмæ цæрджыты    иумæйаг куысты фæрцы. Конституцийы демократон æмæ барадон принциптыл бындуриуæг кæнгæйæ, мах æппæтдæр араздзыстæм, цæмæй нын нæ бæстæйы дунеон æхсæнады банымайой æмæ æхсæнадæмон аренæйы фидар æрцæуа, куыд барадон паддзахад, цыран æххæст цæуынц Конституцион нормæтæ, ифтонг цæуы закъоны сæйрагдзинад, хъахъхъæд цæуынц адæмы интерестæ.

Зынаргъ хæлæрттæ, 9 июны республикæйы æрцæудзæн не ‘хсæнады ахсджиаг æхсæнадон-политикон цау – уагъд æрцæудзысты Хуссар Ирыстоны Парламентмæ æвзæрстытæ, æмæ мæ ныфс ис, сымах æвзарæн фадгуытæм кæй æрбацæудзыстут уæ конституцион бар сæххæст кæнын, аккаг кандидаттæн схъæлæс кæнынмæ.

Мæ цæст уын уарзы, зынаргъ хæлæрттæ, æнæниздзинад, амонд, сабыр арвы бын царды фæндиæгтæ, фæрныгад.

                     Республикæ Хуссар Ирыстоны

                       Парлменты Сæрдар Гасситы Петр

***

Конституцийы боны цытæн РХИ-йы Президент Бибылты Анатолийæн раарфæ кодтой Луганскы Адæмон Республикæйы Сæргълæууæг Леонид Пасечник æмæ Приднестроваг Молдаваг Республикæйы Президент Вадим Красносельский, Донецкы Адæмон Республикæйы Сæргълæууæг Денис Пушилин.

Comments are closed, but trackbacks and pingbacks are open.