Президент Бибылты Анатоли раарфæ кодта Сириаг Арабаг Республикæйы Президент Башар Асадæн Сириаг Арабаг Республикæйы хæдбардзинады боны цытæн.
Арфæйы телы дзырдæуы:
«Цытджын Президент!
Республикæ Хуссар Ирыстоны къухдариуæгад, адæм æмæ сæрмагондæй мæхи номæй арфæйы ныхæстæ æрвитын дæуæн æмæ дæ номæй æппæт сириаг адæмæн Сириаг Арабаг Республикæйы национ бæрæгбон – Хæдбардзинады боны цытæн.
Сириаг Арабаг Республикæ фидарæй цæуы æхсæнадон-политикон стабилондзинады фæндагыл, уадзы лæмбынæг æмæ фидар политикон курс йæ суверенон паддзахиуæгад бахъахъхъæнынæн æмæ йæ дарддæры социалон-экономикон рæзтæн.
Хуссар Ирыстоны адæм стыр аргъ кæнынц Сириаг Арабаг Республикæйы хæларадон æххуысæн, аргъ кæнынц нæ бæстæты ‘хсæн хæларадон æмæ кæрæдзи æмбарыны сæвзæргæ ахастытæн. Ныфс мæ ис, дæ сæрмагонд æххуысæй нæ бæстæты ‘хсæн æмархайд кæй рæздзæн æмæ уæрæхдæр кæндзæн нæ адæмы хæрзиуæгæн.
Цытджын Президент, ацы нысаниуæгджын боны, дын мæ цæст уарзы фидар æнæниздзинад æмæ ног æнтыстытæ дæ паддзахадон архайды, Сириаг Арабаг Республикæйы хæларадон адæмæн та сабырад, амонд æмæ дидинæфтыд»
Comments are closed, but trackbacks and pingbacks are open.