Президент Бибылты Анатоли раарфæ кодта Сириаг Арабаг Республикæйы Президент Башар Асадæн йæ райгуырдыл 55 азы сæххæсты цытæн!
Арфæйы телы дзырдæуы:
«Цытджын Президент!
Республикæ Хуссар Ирыстоны æмæ дын сæрмагондæй мæхи номæй арфæ кæнын нысаниуæгджын бæрæгбон – дæ райгуырдыл 55 азы сæххæсты цытæн.
Йæ бæстæйы æцæг патриот, фæлтæрд политик, куырыхон къух-дариуæггæнæг – ды æппæт дæ энерги лæвар кæныс Сирийы паддзахадон интерестæ хъахъхъæнынæн. Кадимæ æмæ аккагæй цæуыс Райгуырæн бæстæйæн лæггад кæныны фæндагыл.
Æхцон зæрдæйæ нæ хъус дарæм Сириаг Арабаг Республикæйы рæзты æнтыстытæм, кæцытæ ист æрцыдысты дæ Хицауады политикæйы фæрцы – бонæй-бонмæ хуыздæр кæны Сирийы уавæр, æндидзы экономикæ, хуыздæр кæны адæмы цард.
Дæ гуырæнбоны дын мæ цæст уарзы фидар æнæниздзинад, фæрныгад æмæ дарддæры æнтыстытæ дæ бæрны паддзахадон архайды сириаг адæмы хæрзиуæгæн».
Comments are closed, but trackbacks and pingbacks are open.