Хуссар Ирыстоны Пенсион фонды сæргълæууæг Тасойты Азæ куыд фехъусын кодта, афтæмæй Пенсион фонды хыгъды чи нæ лæууы æмæ æмбæлон ахыгъдтæ чи нæ аразы, уыцы амалиуæггæнджытæ фидæны нæ исдзысты фæллойадон пенси.
«Мах сын æмбарын кæнæм, Пенсион фондмæ ахыгъдтытæ чи нæ аразы, уыдонæн сæ бон нæ уыдзæн фæллойадон пенси райсын. Амалиуæгæнджытæ райсдзысты æрмæстдæр социалон пенси, кæцы бæрæгбæрцæй, къаддæр у фæлойадон пенсийæ», – загъта Тасойты Азæ.
Уый банысан кодта, зæгъгæ, индивидуалон амалиуæггæнджытæн фадат ис, рæстæгмæ æфтиаджы тыххæй хъалонты органмæ цы иууон хъалоны ахыгъдтæ аразынц, уымæй иу хай Пенсион фондмæ бахастытæ саразынæн.
«Уымæй уыдон сæ хæс сæххæст кæндзысты Пенсион фонды раз, паддзахадмæ цы суммæ фидынц, уый та сын фылдæр нæ фæуыдзæн», – бамбарын кодта Пенсион фонды сæргълæууæг.
Тасойты Азæ банысан кодта, зæгъгæ, абоны бон социалон пенсийы минималон бæрц у 2 мин æмæ 900 сомы, фæллойадон пенсийы максималон бæрц та 6 мин æмæ 740 сомы.
«Нæ республикæйы пенси чи исы, хуссарирыстойнаг уыцы пенсиисджыты нымæц у 4304 адæймаджы», – загъта уый.
Бæрæг куыд у, афтæмæй Хъалонты кодексы 413-æм статьямæ гæсгæ индивидуалон амалиуæггæнджытæн сæ бон у фæдзæхстон бахастытæ фидой Пенсион фондмæ, иууон хъалоны 50 проценты бæрц. Хъалоны иннæ 50 проценты та хъуамæ фидой хъалонты органмæ.
Comments are closed, but trackbacks and pingbacks are open.