Республикæ Хуссар Ирыстоны Хицауады Сæрдар Бекъойты Геннади ауагъта кусæгон æмбырд, цыран æруынаффæ кодтой, «Республикæ Хуссар Ирыстоны паддзахадон æмбæстагон службæйы тыххæй» закъонмæ гæсгæ паддзахадон службæ реформаци кæнынимæ баст фарстытыл.
Æмбырды хайад райстой Финансты министр Хæбæлаты Азæ, Юстицийы министр Лалыты Зæлинæ, Хъалонтæ æмæ æмбырдты фæдыл комитеты сæрдар Къадзты Владимир, Хицауады Аппараты къухдариуæггæнæг Азамат Чамоков, районты администрациты сæргълæуджытæ, æндæр профилон службæтæ.
Æмбырды райдианы Бекъойты Геннади раарфæ кодта Гулиты Владимирæн, Ленингоры районы администрацийы сæргълæууæджы бынатмæ нысан кæй æрцыд, уый тыххæй æмæ йын йæ цæст бауарзта æнтыстджын куыст.
Уый фæстæ Хицауады сæргълæууæг æрæмбырдуæвджытимæ лæмбынæг æруынаффæ кодта æххæсткæнынады хицауады районон органты штатон номхыгъды инвентаризацийы фарстытыл, æмæ районты администрациты сæргълæуджытæн бахæс кодта, цæмæй сæ æрконой паддзахадон службæйы закъоны домындзинæдтæм гæсгæ.
«Паддзахадон службæйы системæ реформаци кæныны планмæ гæсгæ æнæмæнгхъæуæг у штатон номхыгъд æрбæстон кæнын æмæ паддзахадон службæгæнджыты нымæц æмæ кадрон сконд сбæрæг кæнын, афтæ ма алы специалистты функцитæ æмæ бæрндзинады сферæ сбæрæг кæнын, иумæйагæй – æххæсткæнынады хицауады органы, закъон куыд домы, афтæ», – банысан кодта Хицауады Сæрдар.
Лалыты Зæлинæ банысан кодта, зæгъгæ, паддзахадон управленийы районты органты структурæ æмæ уыдоны кусджыты штатон нымæц хъуамæ уой иухуызон.
Æмбырды рæстæджы нысан æрцыд, зæгъгæ, ныртæккæ ныхас цæуы, уыцы-иу кæнæ иннæ паддзахадон службæгæнджыты къордмæ персоналы æмбардзинады фарстытыл бакусын, фæлæ штаттæ ма фæкъаддæр кæныныл.
Comments are closed, but trackbacks and pingbacks are open.