30 январы Республикæ Хуссар Ирыстоны Президент Бибылты Анатолийы бардзырдмæ гæсгæ Мидхъуыддæгты министрад æмæ Паддзахадон хъахъхъæнынады службæйæн иумæ уагъд æрцыд антитеррористон ахуыртæ.
Мадзалы мидхъуыддæгты органты æрдыгæй хайад райстой милицийы сæрмагонд нысаниуæджы хайадтæ, централон аппараты кусджытæ, горæт Цхинвалы, Знауыры æмæ Цхинвалы районты управленитæ. Операцитæ аразыны рæстæджы спайда кодтой, куыд æхсæнгарз æмæ сæрмагонд дзаумæттæй, афтæ сæрмагонд тех-никæйæ дæр.
Планмæ гæсгæ ахуыртæ уыдысты алыгъуызон, сæ разы дæр æвæрд æрцыдис æндæр æмæ æндæр хæстæ. Зæгъæм, милицийы сæрмагонд нысаниуæджы къорд, легендæмæ гæсгæ, хъуамæ æрцахстаиккой террористты, кæцытæ бамбæхстысты зæронд, æрдæгкалд бæстыхæйтты. Штурмы рæстæджы къорды кусджытæ равдыстой сæ арæхстдзинад æмæ фæуæлахиз сты сæ ныхмæлæуджытыл. Ахæм операцитæ сарæзтой Фæндагон змæлды æдасдзинады инспектортæ, милицийы тагъд фердæхты нысаниуæджы къорд æмæ иннæтæ дæр.
Ацы тактикон-сæрмагонд ахуыртæ ацыдысты, куыд горæт Цхинвалы, афтæ ма Знауыры æмæ Цхин-валы районты территоритыл дæр. Мадзал бæлвырдæй равдыста, дыууæ тыхон структурæйы кусджытæн сæ бон кæй у эффективонæй æмгуыст кæнын æмæ фыдгæнджытæн карз ныхкъуырд раттын.
ДЖИОТЫ Александр
Comments are closed, but trackbacks and pingbacks are open.